ព្រឹត្តិការណ៍ធំៗ​ចំនួន ២ នឹង​កើតឡើងនៅក្នុងទឹកដី​ខេត្តសៀមរាបនៅក្នុងខែតុលានេះ

បើតាម​សេចក្តីជូនដំណឹង​របស់ក្រសួងទេសចរណ៍​ នៅក្នុងអំឡុង​ខែ​តុលានេះនឹង​​​​មាន​ព្រឹត្តិការណ៍ធំៗចំនួន ២ ​នឹង​កើតឡើងនៅក្នុងទឹកដីខេត្តសៀមរាប។

ក្នុង​សេចក្តីជូនដំណឹង​បាន​បញ្ជាក់ថា ចាប់ពីថ្ងៃទី២៦-២៧ ខែតុលា​ នឹងមានរៀបចំ​ព្រឹត្តិការណ៍ពិព័រណ៍ម្ហូបអាហារកម្ពុជា-ចិន និង​ចាប់ពីថ្ងៃទី ២៩-៣០ ខែតុលា​ នឹងមានព្រឹត្តិការណ៍ភាពអស្ចារ្យនៃអាណាចក្រខ្មែរសម័យអង្គរ។

កម្ពុជា-ចិន បានសម្រេចកំណត់យកឆ្នាំ ២០២៤ ជាឆ្នាំនៃការផ្លាស់ប្ដូររវាងប្រជាជន និងប្រជាជនដើម្បីជំរុញនូវកិច្ចសហប្រតិបត្តិការទេសចរណ៍ ពាណិជ្ជកម្ម និងវិនិយោគ រវាងប្រទេសទាំងពីរឲ្យកាន់តែសកម្ម និងរស់រវើកថែមមួយកម្រិតទៀត។

នៅក្នុងជំនួបពិភាក្សារវាងសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ជាមួយលោក ស៊ី ជីនពីង ប្រធានាធិបតីចិន ក្នុងឱកាសចូលរួម “វេទិកាខ្សែក្រវាត់ និងផ្លូវ លើកទី៣” នៅរដ្ឋធានីប៉េកាំង កាលពីថ្ងៃទី១៩ ខែតុលា ឆ្នាំ២០២៣ សម្ដេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានជួបពិភាក្សាការងារជាមួយលោក ស៊ី ជីនពីង ប្រធានាធិបតីចិន លើ​កិច្ចការ​សំខាន់ៗមួយចំនួន និង​បានឯកភាពគ្នាកំណត់យកឆ្នាំ២០២៤ ជាឆ្នាំនៃការផ្លាស់ប្តូររវាងប្រជាជន និងប្រជាជននៃប្រទេសទាំងពីរ ដែលជាគន្លឹះជួយជំរុញកិច្ចសហប្រតិបត្តិការទេសចរណ៍ ពាណិជ្ជកម្ម និងវិនិយោគ រវាងប្រទេសទាំងពីរ​ឱ្យកាន់តែសកម្ម និងរស់រវើកបន្ថែមទៀត៕

បន្ត​ចុចអាន៖ តាមដាន​ព្រឹត្តិការណ៍​ធំៗ​​នៅ​ខេត្ត​សៀមរាប ចាប់​ពី​ខែ​កញ្ញា​នេះ ​មាន​ជិត ១០ កម្មវិធី​ ទាក់ទាញ​ទេសចរ​