ព័ត៌មានជាតិ

ប.ស.ស ផ្សព្វផ្សាយស្ដីពី“នីតិវិធីអនុវត្តថវិកាសម្រាប់កម្មវិធីជាតិជំនួយសង្គម និងរបបសន្តិសុខសង្គម

បានផុស

៦ ខែ មុន

នៅ

ថ្ងៃពុធ ៤ ធ្នូ ២០២៤

ដោយ

បេឡាជាតិសន្តិសុខសង្គម(ប.ស.ស) បានបើកកិច្ចប្រជុំផ្សព្វផ្សាយស្ដីពី “នីតិវិធីអនុវត្តថវិកាសម្រាប់កម្មវិធីជាតិជំនួយសង្គម និងរបបសន្តិសុខសង្គម ក្រោមមូលនិធិហិរញ្ញប្បទានគាំពារសង្គម”ក្រោមអធិបតីភាពលោកបណ្ឌិត ហេង សុផាន់ណារិទ្ធ អគ្គនាយករង ប.ស.ស តំណាង លោក ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយកបេឡាជាតិសន្តិសុខសង្គម នៃក្រសួងការងារ និងបណ្ដុះបណ្ដាលវិជ្ជាជីវៈ និងលោក ឃាន តួក អគ្គលេខាធិការរង នៃអគ្គលេខាធិការដ្ឋានក្រុមប្រឹក្សាជាតិគាំពារសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីនាឱកាសនោះដែរ លោកបណ្ឌិតអគ្គនាយករង ប.ស.ស បានផ្ដល់ជាធាតុចូលសំខាន់ៗ មួយចំនួនទៅកាន់អង្គប្រជុំពាក់ព័ន្ធនឹងការអនុវត្តថវិកាកម្មវិធីជាតិជំនួយសង្គម និងរបបសន្តិសុខសង្គម ក្រោមមូលនិធិហិរញ្ញប្បទានគាំពារសង្គម ដើម្បីធានាប្រសិទ្ធភាពក្នុងការអនុវត្ត និងលើកកម្ពស់ការយល់ដឹងរបស់ក្រសួង-ស្ថាប័នពាក់ព័ន្ធ។

គួរបញ្ជាក់ថា កិច្ចប្រជុំនេះប្រព្រឹត្តទៅកាលពីរសៀលថ្ងៃទី ៣ ខែធ្នូ ឆ្នាំ ២០២៤ នៅទីស្ដីការក្រសួងសេដ្ឋកិច្ច និងហិរញ្ញវត្ថុ ដោយមានការអញ្ជើញចូលរួមពីថ្នាក់ដឹកនាំតំណាងក្រសួង-ស្ថាប័នពាក់ព័ន្ធនានា សរុបប្រមាណជា ៤០ រូប៕

អត្ថបទ ៖ សំអឿន