ព័ត៌មានជាតិ

ក្រសួងការងារ ប្រកាសឲ្យពលករខ្មែរជំនាញផ្នែកកសិកម្ម សំណង់ និងភោជនីយដ្ឋាន ដាក់ពាក្យធ្វើតេស្ត ដើម្បីធ្វើការនៅជប៉ុន

បានផុស

១ year មុន

នៅ

ថ្ងៃអង្គារ ១៤ មករា ២០២៥

ដោយ

ក្រសួងការងារ និងបណ្ដុះបណ្ដាលវិជ្ជាជីវៈ បានប្រកាសឲ្យពលករខ្មែរជំនាញផ្នែកកសិកម្ម សំណង់ និងភោជនីយដ្ឋាន ប្រញាប់មកដាក់ពាក្យធ្វើតេស្តជំនាញ និងភាសាជប៉ុន ដើម្បីបានទៅធ្វើការនៅប្រទេសជប៉ុន ទទួលបានបទពិសោធការងារល្អៗ និងទទួលបានប្រាក់ខែខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានឲ្យដឹងនៅក្នុងសេចក្ដីជូនដំណឹងមួយទើបទទួលបាននៅថ្ងៃទី ១៤ មករា នេះថា អង្គភាពទទួលបន្ទុកការធ្វើតេស្តជំនាញ និងតេស្ត ភាសាជប៉ុន នឹងរៀបចំការធ្វើតេស្តជំនាញ និងតេស្តភាសាជប៉ុនសម្រាប់ពលករជំនាញ តាមរយៈប្រព័ន្ធកុំព្យូទ័រ (CBT) ក្នុងគម្រោងពលករជំនាញជាបន្តបន្ទាប់ ក្នុងនោះ ប្រភេទតេស្តភាសាជប៉ុន ជំនាញផ្នែកសំណង់ ភោជនីយដ្ឋាន និងកសិកម្ម ធ្វើនៅថ្ងៃខែដូចគ្នា នៅវិទ្យាស្ថានអភិវឌ្ឍន៍ វិស័យអប់រំ ស្ថិតនៅផ្ទះលេខ ៩A ផ្លូវលេខ ៣៧០ សង្កាត់បឹងកេងកង ១ ខណ្ឌបឹងកេងកង រាជធានីភ្នំពេញ ដែលមានលេខទូរសព្ទ ៖ +៨៥៥ ១២ ៩៣៧ ១៦៨/+៨៥៥ ១៦ ៨៦២ ៨៦៨/+៨៥៥ ១៥ ៧២៩ ១២៣/+៨៥៥ ១២ ២៦៩ ៧៦៨ ក្នុងនោះរួមមាន ថ្ងៃទី ៣-៦ ខែកុម្ភៈ ឆ្នាំ ២០២៥ ថ្ងៃទី ៨, ៩, ១៨ ខែកុម្ភៈ ឆ្នាំ ២០២៥ ថ្ងៃទី ២១-២២ ខែកុម្ភៈ ឆ្នាំ ២០២៥ ថ្ងៃទី ២៥-២៨ ខែកុម្ភៈ ឆ្នាំ ២០២៥ ថ្ងៃទី ១-៧ ខែមីនា ឆ្នាំ ២០២៥ ប៉ុន្តែជំនាញសំណង់បន្ថែមការធ្វើតេស្ត ១ ថ្ងៃ គឺនៅថ្ងៃទី ១៤ ខែមីនា ឆ្នាំ ២០២៥។

លោករដ្ឋមន្ត្រី បានបន្តថា ចំពោះតម្លៃវិញ ផ្នែកជំនាញភាសាជប៉ុនពលករជំនាញត្រូវបង់ ៣៦ ដុល្លារ និងផ្នែកសំណង់ ត្រូវបង់ ១៤ ដុល្លារ។ ចំណែកការងារផ្នែកជំនាញភោជនីយដ្ឋាន និងផ្នែកកសិកម្ម ត្រូវបង់ ៣៣ ដុល្លារ ដូចគ្នា។ សេវា នៃការចុះឈ្មោះធ្វើតេស្ត គឺបង់ជូនទៅអង្គភាពទទួលបន្ទុកការធ្វើតេស្តជំនាញ និងតេស្តភាសាជប៉ុន។

លោករដ្ឋមន្ត្រី បានបន្តទៀតថា រីឯលក្ខខណ្ឌចុះឈ្មោះធ្វើតេស្តជំនាញ និងតេស្តភាសាជប៉ុន គឺបេក្ខជនត្រូវមានអាយុចាប់ពី ១៧ ឆ្នាំ ឡើងទៅ ដោយមិនគិតពីកម្រិតវប្បធម៌ឡើយ ហើយឯកសារចាំបាច់ដែលត្រូវយកមកជាមួយនៅថ្ងៃធ្វើតេស្តរួមមាន អត្តសញ្ញាណប័ណ្ណ លិខិតឆ្លងដែន ឬ បណ្ណបើកបរ៕

អត្ថបទ ៖ សំអឿន