ព័ត៌មានជាតិ

លោក ទៀ សីហា អញ្ជើញសំណេះសំណាលកម្លាំងការពារព្រំដែនគោកភូមិភាគ៣នាឱកាសជិតចូលឆ្នាំប្រពៃណីខ្មែរ

បានផុស

៤ សប្តាហ៍ មុន

នៅ

ថ្ងៃអង្គារ ២៥ មីនា ២០២៥

ដោយ

កំពត ៖ នារសៀលថ្ងៃទី ២៥ ខែមីនា ឆ្នាំ២០២៥នេះ ក្រោមអធិបតីភាពដ៏ខ្ពង់ខ្ពស់លោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានអញ្ជើញក្នុងពិធីសំណេះសំណាលសួរសុខទុក្ខកងកម្លាំងប្រដាប់អាវុធទិសយោធភូមិភាគទី៣ នៅវរសេនាតូចលេខ៣៣៥ការពារព្រំដែនគោគ ដែលស្ថិតនៅក្នុងភូមិកោះតារចាន់ ឃុំកំពង់ត្រាចខាងកើត ស្រុកកំពង់ត្រាច ខេត្តកំពត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាឱកាសនៅលោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានដឹកនាំប្រតិភូអមដំណើរចុះពិនិត្យបន្ទាត់ព្រំដែនគ្រប់បណ្តាកងកម្លាំងវរសេនាតូចចំណុះជាពិសេសកម្លាំងយោធិនដែលឈរជើងនៅតាមខ្សែរបន្ទាត់ព្រំដែន និងមេបញ្ជាការកងពលតូចថ្មើរជើងចំណុះយោធិន្ទភូមិភាព ៣ កំពតត្រូវបន្តពង្រឹងការរសហសការឱ្យបានស្អិតល្មួតជាមួយអង្គភាពមិត្តនគរបាលវីរៈសេនាតូចការពារព្រំដែនគោកលេខ៣៣៥ ក្នុងប្រតិបត្តិការចេញល្បាតត្រូវត្រួតពិនិត្យតាមបណ្ដាគោលដៅផ្សេងៗទៀតដែលបានកំណត់ដើម្បីតាមដានក្តាប់ជាប់រាល់សកម្មភាពនិងសភាពការណ៍ ដែលប្រែប្រួលនៅតាមខ្សែបន្ទាត់ព្រំដែន ឱ្យបានទាន់ពេលវេលាដែលនូវកើតមានបទល្មើសឆ្លងដែនខុសច្បាប់ផ្សេងៗកងកម្លាំងប្រដាប់អាវុធដែលបានឈរជើងនៅតាមខ្សែបន្ទាត់ព្រំដែនទាំងអស់ដើម្បីធានាឱ្យបានសុខសុវត្ថិភាពជូនដល់ប្រជាពលរដ្ឋរបស់យើង។

ជាមួយគ្នាចុងក្រោយនោះដែរលោកនាយឧត្តមសេនីយ៍ ទៀ សីហា បានមានប្រសាសន៍ផ្ដាំផ្ញើដល់យោធិនទាំងអស់ ដែលបានឈរជើងនៅក្នុងភូមិសាស្ត្រខេត្តកំពតត្រូវថែរក្សាការពារបទល្មើសឆ្លងដែនដោយខុសច្បាប់ជូនប្រជាពលរដ្ឋឱ្យបានល្អប្រសើរ៕

ដោយ ៖ សឹង រ៉ាត់