ព័ត៌មានជាតិ
អ្នកនាំពាក្យ អំពាវនាវពលរដ្ឋបង្កើនការប្រុងប្រយ័ត្នខ្ពស់ចំពោះខ្យល់កន្ត្រាក់ និងផ្គររន្ទះ ខណៈរដូវវស្សាចូលមកដល់
លោក សុទ្ធគឹម កុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានអំពាវនាវដល់ប្រជាពលរដ្ឋ សូមបង្កើនការប្រុងប្រយ័ត្នខ្ពស់ចំពោះបញ្ហាខ្យល់កន្ត្រាក់ និងផ្គររន្ទះ ខណៈរដូវវស្សាបានឈានចូលមកដល់។
ការអំពាវនាវនេះបានធ្វើឡើងបន្ទាប់ពីគ្រោះមហន្តរាយនៅដើមឆ្នាំនេះហាក់មានការកើនឡើងខ្ពស់ បើធៀបទៅនឹងឆ្នាំមុនបង្កឱ្យមនុស្សស្លាប់-របួស និងបំផ្លាញផ្ទះសម្បែងយ៉ាងច្រើន។
លោកបានបន្តថា តាមការព្យាកររបស់ក្រសួងធនធានទឹក និងឧតុនិយម រដូវរដូវវស្សានៅឆ្នាំនេះ នឹងចូលមកដល់នៅដើមខែឧសភានេះ លឿនជាងឆ្នាំ ២០២៤ កន្លងទៅ។
លោកបានបន្តទៀតថា «នៅពេលរដូវវស្សាចូលមកដល់ ខ្យល់កន្ត្រាក់ ផ្គររន្ទះ ក៏ចាប់ផ្តើមកើតមានជាមួយគ្នាដែរ។ វានឹងបង្កឱ្យមានភ្លៀងធ្លាក់ ផ្គររន្ទះ និងខ្យល់កន្ត្រាក់ កើតឡើងកាន់តែច្រើនបន្ថែមទៀត ដែលនេះជាបញ្ហាហានិភ័យមួយ ខណៈគ្រោះមហន្តរាយនៅដើមឆ្នាំនេះហាក់មានការកើនឡើងខ្ពស់គួរឱ្យព្រួយបារម្ភ»។
លោកបានលើករបាយការណ៍មកបញ្ជាក់ថា ជាក់ស្តែងគ្រោះមហន្តរាយធម្មជាតិរួមមាន រន្ទះបាញ់ ខ្យល់កន្ត្រាក់ និងអគ្គិភ័យ នៅក្នុងរយៈពេល ៤ ខែ ឆ្នាំ ២០២៥ នេះ បានកើតឡើងចំនួន ៥៥៥ លើក បណ្តាលឱ្យប៉ះពាល់ផ្ទះចំនួន ៤ ៣២៦ ខ្នង ស្លាប់មនុស្សចំនួន ២៥ នាក់ រងរបួស ៥៣ នាក់ និងងាប់គោក្របីចំនួន ២១ ក្បាល។ ក្នុងនោះ គ្រោះរន្ទះបាញ់បានកើតឡើងចំនួន ៣០ បណ្តាលឱ្យខូចខាតផ្ទះចំនួន ៦ ខ្នង ស្លាប់មនុស្ស ១២ នាក់ របួស ១៦ នាក់ និងងាប់គោក្របីចំនួន ២១ ក្បាល។ តួលេខនេះ បើធៀបទៅនឹងរយៈពេល ៤ ខែដូចគ្នា ឆ្នាំ ២០២៤ កន្លងទៅ ឃើញថា មានការកើនឡើងគួរឱ្យកត់សម្គាល់ ខណៈ ៤ ខែ ឆ្នាំមុន រន្ទះបាញ់កើតឡើងចំនួន ៥ លើក បណ្តាលឱ្យខូចខាតផ្ទះចំនួន ១ ខ្នង ស្លាប់មនុស្ស ៣ នាក់ និងងាប់គោក្របីចំនួន ៣ ក្បាលប៉ុណ្ណោះ។
ចំណែកគ្រោះអគ្គិភ័យបានកើតឡើងចំនួន ៤១៨ លើក នៅទូទាំងប្រទេស បណ្តាលឱ្យឆេះផ្ទះចំនួន ៣៦១ ខ្នង តូបផ្សារ ២៩ តូប ឃ្លាំងទំនិញចំនួន ១៥ កន្លែង រោងចក្រសិប្បកម្មចំនួន ៨ កន្លែង អគាររដ្ឋបាល ៨ កន្លែង បង្កឱ្យស្លាប់មនុស្សចំនួន ៩ នាក់ និងរបួសចំនួន ២២ នាក់។ តួលេខនេះ បើធៀបទៅនឹងរយៈពេល ៤ ខែ ដូចគ្នា ឆ្នាំ ២០២៤ កន្លងទៅ ឃើញថា មានការកើនឡើងគួរឱ្យកត់សម្គាល់ ដោយ ៤៩ ខែ ឆ្នាំមុន គ្រោះអគ្គិភ័យបានកើតឡើងចំនួន ៣៤៨ លើក នៅទូទាំងប្រទេស បណ្តាលឱ្យឆេះផ្ទះចំនួន ៣៩២ ខ្នង តូបផ្សារ ៤៥ តូប ឃ្លាំងទំនិញចំនួន ៧ កន្លែងរោងចក្រសិប្បកម្មចំនួន ១៤ កន្លែង អគាររដ្ឋបាល ៦ កន្លែង បង្កឱ្យស្លាប់មនុស្សចំនួន ១១ នាក់ និងរបួសចំនួន ២៧ នាក់។
រីឯ ខ្យល់កន្ត្រាក់ បានកើតឡើងចំនួន ១០៧ លើក បានបណ្តាលឱ្យរលំផ្ទះចំនួន ២៦៧ ខ្នងផ្ទះ របើកដំបូលចំនួន ៣ ៦៩២ ខ្នង សាលារៀន ២៨ អគារ តូបផ្សារ ១៤ តូប អគាររដ្ឋបាល ១២ កន្លែង ស្លាប់មនុស្ស ៤ នាក់ និងរងរបួស ១៥ នាក់។ តួលេខនេះ បើធៀបទៅនឹង ៤ ខែ ឆ្នាំ ២០២៤ កន្លងទៅ ឃើញថា មានការកើនឡើង ខណៈ ៤ ខែ ឆ្នាំមុន ខ្យល់កន្ត្រាក់បានកើតឡើងចំនួន ៤៨ លើកប៉ុណ្ណោះ បណ្តាលឱ្យរលំផ្ទះ ៧៥ ខ្នង ផ្ទះរបើកដំបូលចំនួន ៦១៣ ខ្នង សាលារៀន ១២ អគារ តូបផ្សារ ៤ តូប អគាររដ្ឋបាល ៣ កន្លែង និងរបួសមនុស្ស ២ នាក់ មិនមានអ្នកស្លាប់ទេ។
លោកបានបន្ថែមថា តាមរយៈតួលេខ ៤ ខែ ឆ្នាំ ២០២៥ នេះ បង្ហាញឱ្យឃើញថា គ្រោះមហន្តរាយនៅដើមឆ្នាំនេះ ហាក់មានការកើនឡើងខ្ពស់។ ដូចនេះ សូមអំពាវនាវដល់អាជ្ញាធរគ្រប់លំដាប់ថ្នាក់ ត្រូវត្រៀមលក្ខណៈឱ្យបានគ្រប់គ្រាន់ ដើម្បីជួយដល់ប្រជាពលរដ្ឋឱ្យបានទាន់ពេលវេលា។ ចំណែកប្រជាពលរដ្ឋ ក៏ត្រូវត្រៀមខ្លួនផងដែរ ដើម្បីធ្វើយ៉ាងណាកាត់បន្ថយផលប៉ះពាល់ឱ្យនៅអប្បបរមា។
ក្នុងការឆ្លើយតបនឹងស្ថានភាពនេះ លោកបានបញ្ជាក់ថា គណៈកម្មាធិការគ្រោះមហន្តរាយ និងស្ថាប័នពាក់ព័ន្ធ បានត្រៀមខ្លួនរួចរាល់ជាស្រេច ក្នុងនោះបានធ្វើបច្ចុប្បន្នភាពផែនការត្រៀមបម្រុងឆ្លើយតបនឹងគ្រោះមហន្តរាយផ្សេងៗ ទាំងថ្នាក់ជាតិ និងក្រោមជាតិ និងជំរុញ និងពង្រឹងការផ្តល់ព័ត៌មានដល់អាជ្ញាធរ និងប្រជាពលរដ្ឋ ឱ្យបានដឹង ដើម្បីឱ្យពួកគាត់ត្រៀមខ្លួនការពារកាត់បន្ថយផលប៉ះពាល់ឱ្យបានច្រើនពេលមានគ្រោះមហន្តរាយផ្សេងៗ។ ក្រៅពីនេះ កងកម្លាំង ក៏បានរៀបចំរួចរាល់ហើយដែរ ដើម្បីត្រៀមខ្លួនជួយអន្តរាគមន៍ប្រជាពលរដ្ឋឱ្យបានទាន់ពេលវេលានៅពេលមានគ្រោះមហន្តរាយកើតឡើងនារដូវវស្សានេះ៕
អត្ថបទ ៖ សំអឿន
អាជ្ញាធរស្រុកកោះសូទិន ច្រានចោលការផ្សព្វផ្សាយការទន្ទ្រានដីឡូត៍លេខ៨ ដោយនាយប៉ុស្តិ៍នគរបាលឃុំល្វេ
BYD វ៉ាដាច់ Toyota លើការលក់រថយន្តនៅសិង្ហបុរី
អ្នកនាំពាក្យ អំពាវនាវពលរដ្ឋបង្កើនការប្រុងប្រយ័ត្នខ្ពស់ចំពោះខ្យល់កន្ត្រាក់ និងផ្គររន្ទះ ខណៈរដូវវស្សាចូលមកដល់
ក្តៅៗ! R.Madrid បានឈានដល់កិច្ចព្រមព្រៀងផ្ទេរយកខ្សែការពារឆ្នើមពីលីគ អង់គ្លេស ម្នាក់
គ្រួសារសេសសល់អគារអង្គរមានជ័យ ៣ គ្រួសារ បន្ទាបតម្លៃសំណង ១ គ្រួសារព្រមអភិវឌ្ឍនៅកន្លែង
ដាក់ពន្ធនាគារថៅកែចិន និងកម្មករ១២នាក់ ពីបទផលិត -លក់តុក្កតាអាសអាភាស
គ្មានឈ្មោះ ពូទីន ទេ ក្នុងបញ្ជីគណៈប្រតិភូរុស្ស៊ី ដែលនឹងទៅចរចាជាមួយ អ៊ុយក្រែន នៅ តួកគី
គ្រូពេទ្យអាមេរិកព្រមាន កុំគេងបើកកង្ហារពេលយប់ អាចនាំឲ្យកើតជំងឺហឺតធ្ងន់ធ្ងរ
លោក គីម ជុងអ៊ុន ចុះពិនិត្យការហាត់សមប្រើយន្តហោះគ្មានមនុស្សបើក ដើម្បីទប់ទល់សង្គ្រាម
ក្រសួងការងារ៖ សពពលករខ្មែរប្តីប្រពន្ធ២រូប ត្រូវបានដឹកមកដល់កម្ពុជាហើយ ដើម្បីបន្តធ្វើបុណ្យតាមប្រពៃណី ក្រោមការសម្របសម្រួលយ៉ាងយកចិត្តទុកដាក់
-
ជីវិតកម្សាន្ដ៤ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
សន្តិសុខសង្គម១ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ១ សប្តាហ៍ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានជាតិ៣ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ព័ត៌មានជាតិ១ សប្តាហ៍ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៦ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
ព័ត៌មានអន្ដរជាតិ១ សប្តាហ៍ agoរឿងកាន់តែធំ! ប៉ាគីស្ថាន ថា ជនស៊ីវិលស្លាប់កើនដល់៣១នាក់ ខណៈយន្តហោះមួយគ្រឿងធ្លាក់នៅ ឥណ្ឌា
-
ព័ត៌មានជាតិ៧ ថ្ងៃ agoអ្នកនាំពាក្យ៖ សមយុទ្ធនាគមាសឆ្នាំនេះ ធំជាងមុន សព្វាវុធទំនើបជាងមុន ប្រើAI តែមិនដើម្បីគំរាមប្រទេសណាឡើយ