ព័ត៌មានជាតិ
រដ្ឋមន្រ្តីក្រសួងបរិស្ថាន បង្ហាញនីតិវិធីចុះវាយតម្លៃតាមរោងចក្រសហគ្រាស បង្កប៉ះពាល់ដល់បរិស្ថាន
ក្រោយរកឃើញក្រុមហ៊ុនប្រមាណ ៣០ ដែលបញ្ចេញទឹកកខ្វក់ចូលក្នុងប្រឡាយទឹកធម្មជាតិ ដែលនាំឲ្យប៉ះពាល់ដល់បរិស្ថាន រដ្ឋមន្រ្តីក្រសួងបរិស្ថានបានបង្ហាញពីដំណើរការចុះពិនិត្យវាយតម្លៃតាមរោងចក្រសហគ្រាស ដើម្បីជំរុញការអនុវត្តនីតិវិធីស្តង់ដាលើការគោរពក្រមបរិស្ថាន។
លោក អ៊ាង សុផល្លែត រដ្ឋមន្រ្តីក្រសួងបរិស្ថានបានបញ្ជាក់ថា ក្រុមហ៊ុនដែលមានបំណងមកវិនិយោគនៅក្នុងប្រទេសកម្ពុជា ត្រូវឆ្លងកាត់ច្រកចេញចូលតែមួយនៅក្រុមប្រឹក្សាអភិវឌ្ឍន៍កម្ពុជា។
ក្រុមប្រឹក្សាអភិវឌ្ឍន៍កម្ពុជានឹងចុះពិនិត្យទីតាំងរោងចក្រសហគ្រាស និងប្រជុំសម្រេចតើក្រុមហ៊ុនត្រូវឆ្លងកាត់ការវាយតម្លៃផលប៉ះពាល់បរិស្ថានឬអត់ (EIA) ? បើអត់ទេ ត្រូវធ្វើកិច្ចសន្យានឹងមិនបំពុលដល់បរិស្ថាននោះទេ។
បើតាមលោករដ្ឋមន្រ្តី ការវាយតម្លៃផលប៉ះពាល់បរិស្ថាន (EIA) មានពីរ គឺបឋម និងពេញលេញ។ ការអនុវត្តនីតិវិធីវាយតម្លៃផលប៉ះពាល់ដល់បរិស្ថាន EIA ដើម្បីធានាបានថាដំណើរការខ្សែផលិតកម្មរបស់ក្រមហ៊ុន នឹងមិនបង្កផលប៉ះពាល់ដល់បរិស្ថាន និងសុខភាពប្រជាពលរដ្ឋនោះទេ។
យ៉ាងណាមិញ បើតាមលោករដ្ឋមន្រ្តី រោងចក្រមួយចំនួនគេចវេសមិនចង់ធ្វើ EIA ដោយលើកហេតុផលថាថ្លៃ និងចាយពេលយូរ។ ប៉ុន្តែលោករដ្ឋមន្រ្តីបានឆ្លើយតបថា ការធ្វើ EIA របស់ប្រទេសកម្ពុជាលឿនជាងប្រទេសមួយចំនួន ហើយតម្លៃក៏មិនថ្លៃនោះដែរ៕
-
ព័ត៌មានជាតិ១ សប្តាហ៍ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
សេដ្ឋកិច្ច២ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៦ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ២ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ២ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ គំរាម «ផ្តល់មេរៀន» ដល់អ៊ីស្រាអែល បើហ៊ានប៉ះ មេដឹកនាំកំពូល របស់ខ្លួន
-
ព័ត៌មានអន្ដរជាតិ១ សប្តាហ៍ agoអាមេរិក យក១ដុល្លារ ជួលដីពីអ៊ីស្រាអែល ៩៩ឆ្នាំ ដើម្បីសង់ស្ថានទូតអចិន្ត្រៃយ៍នៅហ្សេរុយសាឡឹម
-
ព័ត៌មានអន្ដរជាតិ១ សប្តាហ៍ agoតម្លៃប្រេងអន្តរជាតិធ្លាក់ចុះបន្តបន្ទាប់ ដល់កម្រិតទាបបំផុតក្នុងរយៈពេល ៤ ខែ