Connect with us

ព័ត៌មានជាតិ

រដ្ឋមន្ត្រីសុខាភិបាល ណែនាំដល់ថ្នាក់ដឹកនាំតាមអង្គភាព ពង្រឹងសមត្ថភាពមន្រ្តីក្រោមឱវាទឱ្យកាន់តែល្អប្រសើរ

បានផុស

នៅ

លោក ឈាង រ៉ា រដ្ឋមន្ត្រីក្រសួងសុខាភិបាល បានណែនាំដល់ថ្នាក់ដឹកនាំតាមអង្គភាព ពង្រឹងបែបបទការងារ សមត្ថភាពមន្រ្តីក្រោមឱវាទលើការងារស្នូលឱ្យកាន់តែច្បាស់ និងល្អប្រសើរ។ លោកបានលើកឡើងបែបនេះ ក្នុងកិច្ចប្រជុំកម្រិតថ្នាក់ដឹកនាំលើកទី១ នៃខែមិថុនា ពិនិត្យវឌ្ឍនភាពការងារ និងលើកទិសដៅការងារបន្ត នាថ្ងៃទី៩ ខែមិថុនា ឆ្នាំ២០២៥ នៅទីស្តីការក្រសួងសុខាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសនោះ លោករដ្ឋមន្ត្រី បានណែនាំដល់ថ្នាក់ដឹកនាំទទួលបន្ទុកការងារ ត្រូវបង្កើនប្រសិទ្ធភាពការងារប្រចាំថ្ងៃឱ្យកាន់តែល្អប្រសើរឡើងថែមទៀត ជាមួយនឹងផែនការសកម្មភាព ផែនការយុទ្ធសាស្រ្ត ការរៀបចំការធ្វើសំយោគមតិ និងការសហការជាមួយគ្រប់ផ្នែកពាក់ព័ន្ធគ្រប់ឋានុក្រម។

ជាពិសេសការពង្រឹងបន្ថែមទៀតលើការងារឱសថសាស្រ្ត រួមទាំងឱសថបុរាណ ដោយត្រូវជំរុញក្នុងការបង្កើនសមត្ថភាព ដូចជាវិធីសាស្រ្តនៃការប្រើប្រាស់ស្តង់ដាឱសថឱ្យបានត្រឹមត្រូវ ចាប់ពីការបណ្តុះបណ្តាល រហូតដល់ការព្យាបាល ស្របតាមបច្ចេកទេស និងសម័យកាលនវានុវត្តន៍ និងក្រមសីលធម៌វិជ្ជាជីវៈជាឱសថការី។

បន្ថែមពីនេះ លោករដ្ឋមន្រ្តី បានរម្លឹកបន្ថែមក្នុងការបន្តយកចិត្តទុកដាក់ឱ្យបានខ្ពស់លើការងារគាំពារសុខភាពមាតា ទារក និងកុមារ ដោយថ្នាក់ដឹកនាំតាមមន្ទីរពេទ្យត្រូវតែបង្កើនសមត្ថភាពមន្រ្តីជំនាញតាមរយៈការបណ្តុះបណ្តាលឱ្យកាន់តែមានជំនាញច្បាស់លាស់ ស្របតាមការរីកចម្រើននៃសកលលោក។ ម៉្យាងវិញទៀត លោកក៏បានណែនាំទៅថ្នាក់ដឹកនាំទទួលបន្ទុក ត្រូវជំរុញលើការងារបណ្តុះបណ្តាលគ្រប់កម្រិតស្តង់ដានៃការសិក្សា ទាំងគ្រឹះស្ថានសាធារណៈរបស់រដ្ឋ និងឯកជន។

ជាទីបញ្ចប់ លោករដ្ឋមន្រ្តី បានណែនាំឱ្យបន្តយកចិត្តទុកដាក់ពង្រឹងការធ្វើអភិបាលកិច្ច និងនិយ័តកម្មតាមសេវាសាធារណៈ ជាពិសេសវិស័យឯកជន ដើម្បីធានាការបម្រើសេវាសុខាភិបាលប្រកបដោយគុណភាព ប្រសិទ្ធភាព ស័ក្តិសិទ្ធភាព សមធម៌ និងក្រមសីលធម៌វិជ្ជាជីវៈ៕

Helistar Cambodia - Helicopter Charter Services
Sokimex Investment Group
ព័ត៌មានជាតិ៥ នាទីutes មុន

កម្ពុជាស្នើថៃបញ្ជូនទ័ពខ្មែរទាំង២០រូបមកវិញឱ្យបានឆាប់ រួមទាំងទាហានផ្សេងទៀតប្រសិនបើមាន

កីឡា៣១ នាទីutes មុន

មក​ស្គាល់​ប្រវត្តិ​កីឡាករ​ឆ្នើម​ សុខុន សីហនុត ធ្លាប់​ឈ្នះ​មេដាយ​ ៨គ្រឿង​លើ​ឆាក​អន្តរជាតិ​

ព័ត៌មានជាតិ៤៦ នាទីutes មុន

កម្ពុជា​និង​ជប៉ុន ចុះហត្ថលេខាលើកំណត់ត្រា​អភិវឌ្ឍន៍កំពង់ផែក្រុង​ព្រះសីហនុទៅជាកំពង់ផែ និងមជ្ឈមណ្ឌល​ឡូជីស្ទីក​ថ្នាក់តំបន់

ព័ត៌មានអន្ដរជាតិ៤៨ នាទីutes មុន

អាមេរិក​វាយ​ប្រហារ​អ៊ីរ៉ង់​ដោយ​ដាក់​ទណ្ឌកម្ម​ធ្ងន់ៗ ខណៈ​ការ​ចរចា​នុយក្លេអ៊ែរ​ត្រូវ​បាន​ផ្អាក

ព័ត៌មានអន្ដរជាតិ១ ម៉ោង មុន

ត្រាំ​៖ អាមេរិកនឹង​ដាក់ពន្ធកូរ៉េខាងត្បូង ១៥% ក្រោមកិច្ចព្រមព្រៀងថ្មី

Sokha Hotels

ព័ត៌មានពេញនិយម