Connect with us

ព័ត៌មានជាតិ

រដ្ឋមន្ត្រីក្រសួងកសិកម្ម៖ បច្ចុប្បន្នក្រសួងកំពុងជំរុញការអនុវត្តលើការធានាសន្តិសុខស្បៀង និងលើកកម្ពស់ជីវភាពកសិករ

បានផុស

នៅ

ក្នុងពិធីសំណេះសំណាលជាមួយមន្រ្តីកសិកម្មឃុំសង្កាត់ នៅខេត្តសៀមរាប នាថ្ងៃទី១៩ ខែមិថុនា ឆ្នាំ២០២៥ នេះ លោកឌិត ទីណា រដ្ឋមន្ត្រីក្រសួងកសិកម្ម បានលើកឡើងអំពីគោលនយោបាយក្នុងវិស័យកសិកម្ម ដែលផ្ដោតអាទិភាពលើការធានាសន្តិសុខស្បៀង ការលើកកម្ពស់ជីវភាពកសិករ និងការរួមចំណែកទ្រទ្រង់សេដ្ឋកិច្ចជាតិ និងទស្សនាទាន “មានហូប មានប្រើ មានបាន និងមានរហូត” ដែលក្រសួងកំពុងជំរុញអនុវត្តយ៉ាងសកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឌិត ទីណា បានសង្កត់ធ្ងន់ថា សន្តិសុខស្បៀង ទាំងសម្រាប់កសិករ ទាំងសម្រាប់ប្រជាពលរដ្ឋអ្នកទទួលទានក្នុងស្រុក មិនថាក្នុងកាល:ទេស:ណា ឬសេដ្ឋកិច្ចកម្ពុជារីកចម្រើនយ៉ាងណា គឺជាអាទិភាពខ្ពស់បំផុតនៃវិស័យកសិកម្មកម្ពុជា។ ជាមួយគ្នានេះ កម្មវិធីគោលនយោបាយអាទិភាពទី៥ និងទី៦ របស់រាជរដ្ឋាភិបាល នីតិកាលទី៧ ក៏កំពុងជួយដល់បងប្អូនកសិករនៅទូទាំងប្រទេស លើបច្ចេកទេសផលិតកម្ម ការសម្របសម្រួលទីផ្សារ ការរក្សាលំនឹងថ្លៃកសិផលសំខាន់ៗក្នុងកម្រិតសមរម្យ និងការប្រមូលផ្ដុំជាសហគមន៍កសិកម្មទំនើបប ដោយសម្រេចបានលទ្ធផលល្អប្រសើរជាបន្តបន្ទាប់ក្នុងការលើកស្ទួយជីវភាពប្រជាកសិករ។

ចំណែកលោក អ៊ឹង គឹមលាង អភិបាលរងខេត្ត បានឱ្យដឹងថា ខេត្តសៀមរាប បច្ចុប្បន្នមាន១៣ក្រុង/ស្រុក ស្មើ១០០ឃុំសង្កាត់ ដោយមានការយកចិត្តទុកដាក់ពីប្រមុខរាជរដ្ឋាភិបាល ក៏ដូចជាក្រសួងកសិកម្ម ខេត្តបានទទួលមន្ត្រីកសិកម្មឃុំចំនួន ៦៣នាក់។ មន្ត្រីកសិកម្មឃុំទាំងអស់ មានតួនាទីភារកិច្ចជាអ្នកសម្របសម្រួលរវាងកសិករ និងភាគីពាក់ព័ន្ធ ដើម្បីទទួលបានសេវាគាំទ្រ និងដោះស្រាយបញ្ហាប្រឈមនានាជូនកសិករ សម្របសម្រួលចងក្រងសហគមន៍ ដើម្បីផ្សារភ្ជាប់មកទីផ្សារជាដើម៕

ដោយ៖ គឿនវេត

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម