ព័ត៌មានជាតិ
មន្ត្រីជាន់ខ្ពស់ ៖ វិស័យ TVET ដើរតួនាទីយ៉ាងសំខាន់ក្នុងដំណើរការកំណែទម្រង់ សេដ្ឋកិច្ចដែលជាតួអង្គធានានូវការផ្គត់ផ្គង់កម្លាំងពលកម្មជំនាញ
លោក ប៉ុក ប៉ាន់ រដ្ឋលេខាធិការ នៃក្រសួងការងារ និងបណ្តុះបណ្តាលវិជ្ជាជីវៈ បានអះអាងថា វិស័យអប់រំបណ្ដុះបណ្ដាលបច្ចេកទេស និងវិជ្ជាជីវៈ ដែលហៅកាត់ថា TVET បានដើរតួនាទីយ៉ាងសំខាន់ក្នុងដំណើរការកំណែទម្រង់សេដ្ឋកិច្ច ដែលជាតួអង្គដើម្បីធានានូវការផ្គត់ផ្គង់កម្លាំងពលកម្មជំនាញ និងសមត្ថភាពខ្ពស់ ឱ្យឆ្លើយតបតម្រូវការឧស្សាហកម្ម។
ថ្លែងក្នុងពិធីប្រកាសបើកវគ្គវិក្រឹតការគ្រូបច្ចេកទេស លើកទី ៣ ស្តីពី“វិធីសាស្ត្របង្រៀន និងការប្រើប្រាស់ម៉ូឌុលតាមជំនាញ” ដើម្បីគាំទ្រកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ នៅសួនអប់រំបណ្ដុះបណ្ដាលបច្ចេកទេស និងវិជ្ជាជីវៈ រាជធានីភ្នំពេញ នៅថ្ងៃទី ២៥ មិថុនា នេះ លោក ប៉ុក ប៉ាន់ បានបន្តថា នាពេលបច្ចុប្បន្ននេះ កម្ពុជា កំពុងត្រូវការកម្មករដែលមានជំនាញច្បាស់លាស់ និងអ្នកបច្ចេកទេសយ៉ាងច្រើនគ្រប់វិស័យ។ ទន្ទឹមនឹងនេះ យើងក៏ត្រូវចាប់អារម្មណ៍លើនិន្នាការចំពោះថ្ងៃអនាគត ដែលចាំបាច់ត្រូវជំរុញឱ្យយុវជនងាកមកចាប់យកជំនាញបច្ចេកទេសឱ្យបានកាន់តែច្រើន ដើម្បីបង្កើនឱកាសចាប់យកការងារ និងសម្របខ្លួនជាមួយនឹងបដិវត្តន៍ឧស្សាហកម្ម ជំនាន់ទី ៤ ដោយមានពាក្យស្លោក«យុវជនម្នាក់ ត្រូវមានជំនាញយ៉ាងតិចមួយ»។
លោករដ្ឋលេខាធិការ បានបន្តទៀតថា TVET ក៏ចាំបាច់ត្រូវបន្តអនុវត្តឱ្យបាននូវស្តង់ដារជាតិសមត្ថភាព, កម្មវិធីសិក្សាផ្អែកលើសមត្ថភាព, ម៉ូឌុលដែលមានស្តង់ដារ, ប្រព័ន្ធវាយតម្លៃផ្អែកលើសមត្ថភាព និងការផ្តល់គុណវុឌ្ឍិ, ការធានាបាននូវគុណភាពសិក្ខាកាម សិស្ស និងនិស្សិត ក្រោយបញ្ចប់ការសិក្សា និងទទួលបានការងារធ្វើ។ លើសពីនេះ វិស័យ TVET ត្រូវខិតខំផ្គត់ផ្គង់កម្លាំងពលកម្មដែលមានជំនាញ និងសមត្ថភាពខ្ពស់ព្រមទាំងលើកទឹកចិត្ត និងបង្កើនសមត្ថភាពគ្រូបច្ចេកទេសទាំងជំនាញគរុកោសល្យ និងបច្ចេកទេស។
លោករដ្ឋលេខាធិការ បានបន្ថែមថា «ពេលនេះ TVET ត្រូវបានគេចាប់អារម្មណ៍តាមរយៈកម្មវិធីបណ្តុះបណ្តាល ១,៥ លាននាក់ ដូច្នេះយើងត្រូវផ្តោតលើគុណភាពគ្រូបច្ចេកទេសរបស់យើងដោយបំពាក់បំប៉នសមត្ថភាពបន្ថែម ជាពិសេសលើវិន័យ ក្រមសីលធម៌វិជ្ជាជីវៈ និងវិធីសាស្ត្របង្រៀន ដែលមានលក្ខណៈបត់បែន ទន់ភ្លន់ និងមានគុណភាព។ ការធ្វើវិក្រឹត្យការនេះ នឹងផ្តល់ជូនគ្រូ បច្ចេកទេសនូវវិធីសាស្ត្របង្រៀន និងម៉ូឌុលតាមជំនាញច្បាស់លាស់ ក្នុងការបណ្តុះបណ្តាលជំនាញបច្ចេកទេស ដែលមានស្តង់ដារតែមួយ»។
លោករដ្ឋលេខាធិការ បានបបញ្ជាក់ថា ក្នុងបរិបទសកលភាវូបនីយកម្ម គុណភាពអប់រំបណ្តុះបណ្តាលបច្ចកទេស និងវិជ្ជាជីវៈ ជាកត្តាដ៏សំខាន់មួយក្នុងការអភិវឌ្ឍធនធានមនុស្ស ដើម្បីរួមចំណែកអភិវឌ្ឍន៍សង្គមសេដ្ឋកិច្ច។ គ្រូបច្ចេកទេស គឺជាចលករដ៏សំខាន់បំផុតក្នុងការបណ្តុះបណ្តាលជំនាញបច្ចេកទេស ដើម្បីអាចផលិតអ្នកសិក្សាប្រកបដោយជំនាញបច្ចេកទេស ដែលអាចបំពេញតាមតម្រូវការជំនាញក្នុងទីផ្សារការងារ ទាំងក្នុង និងក្រៅប្រទេស ដែលមានសមត្ថភាពប្រកួតប្រជែង ជាមួយនឹងកម្មករជំនាញមកពីបណ្តាប្រទេសនានាបាន។
លោករដ្ឋលេខាធិការ បានវាយតម្លៃខ្ពស់ចំពោះអគ្គនាយកដ្ឋាន TVET ដែលបានយកចិត្តទុកដាក់លើការពង្រឹងសមត្ថភាពគ្រូបច្ចេកទេស ក្នុងការអនុវត្តកញ្ចប់ស្តង់ដារបណ្តុះបណ្តាលស្របតាមគុណវុឌ្ឍិជាតិកម្ពុជា ដែលជាឧបករណ៍ទ្រទ្រង់មួយដ៏ចាំបាច់ សម្រាប់ធានាគុណភាពនៅក្នុងប្រព័ន្ធអប់រំបណ្តុះបណ្តាលបច្ចេកទេស និងវិជ្ជាជីវៈនៅកម្ពុជា ដែលមិនត្រឹមតែរួមចំណែកពង្រឹងសមត្ថភាព និងគុណភាពជាចម្បងប៉ុណ្ណោះទេ ប៉ុន្តែក៏នឹងរួមចំណែកលើកកម្ពស់ និងគុណតម្លៃ នៃការបណ្តុះបណ្តាលជំនាញវិជ្ជាជីវៈ សំដៅទាក់ទាញយុវជនឱ្យចាប់អារម្មណ៍ និងជ្រើសរើសរៀនវគ្គបណ្តុះបណ្តាលជំនាញបច្ចេកទេសស្របតាមស្តង់ដារជាតិ និងតំបន់ផងដែរ។
លោកបណ្ឌិត ហ៊ីង ស៊ីដេត ប្រតិភូរាជរដ្ឋាភិបាលទទួលបន្ទុកជាអគ្គនាយកអប់រំបណ្ដុះបណ្ដាលបច្ចេកទេស និងវិជ្ជាជីវៈ បានបញ្ជាក់ថា វគ្គវិក្រឹតការគ្រូបច្ចេកទេសស្តីពី “វិធីសាស្ត្របង្រៀន និងការប្រើប្រាស់ម៉ូឌុលតាមជំនាញ” លើកទី ៣ នេះ ដែលនឹងប្រព្រឹត្តទៅចំនួន ១០ ថ្ងៃ ចាប់ពីថ្ងៃទី ២៥ ខែមិថុនា ដល់ថ្ងៃទី ៤ ខែកក្កដា ឆ្នាំ ២០២៥ មានការធ្វើបទបង្ហាញដោយវាគ្មិនកិត្តិយស និងគ្រូឧទ្ទេសល្បីៗ ជាច្រើនរូប ពោរពេញដោយចំណេះដឹង ជំនាញ និងបទពិសោធពាក់ព័ន្ធនឹងវិស័យអប់រំបណ្ដុះបណ្ដាលបច្ចេកទេស និងវិជ្ជាជីវៈ និងឯកជន/ឧស្សាហកម្ម ដូចជាការពង្រឹងជំនាញទន់ និងវិន័យ, ការបំប៉នសមត្ថភាពគ្រូបច្ចេកទេសក្នុងការប្រើប្រាស់កញ្ចប់ស្ដង់ដារបណ្ដុះបណ្ដាល, ការរៀបចំផែនការបង្រៀន កិច្ចតែងការបង្រៀន និងកំណត់ត្រាសម្រេចបានសមត្ថភាពរបស់សិស្សឱ្យមានលក្ខណៈស្ដង់ដាររួម ព្រមទាំងភារកិច្ចគ្រូបង្រៀន, និយមន័យ TVET, គរុកោសល្យ, ការគ្រប់គ្រងពេលវេលា, ចរណៈវិជ្ជា, មូលដ្ឋានច្បាប់ការងារ, សុខភាពការងារ, សុវត្ថិភាពការងារ និង Kaizen (5S), ការអនុវត្តប្រមុំ, និងការប្រើប្រាស់ម៉ូឌុលតាមជំនាញនីមួយៗ និងអនុវត្តផ្ទាល់នៅក្នុងរោងជាង៕
អត្ថបទ ៖ សំអឿន
មន្ត្រីជាន់ខ្ពស់ ៖ វិស័យ TVET ដើរតួនាទីយ៉ាងសំខាន់ក្នុងដំណើរការកំណែទម្រង់ សេដ្ឋកិច្ចដែលជាតួអង្គធានានូវការផ្គត់ផ្គង់កម្លាំងពលកម្មជំនាញ
ពលករខ្មែរនៅថៃជាង ៥០០ នាក់ បានដាក់ពាក្យចូលធ្វើការនៅរោងចក្រ សៃលុន
ក្នុងរយៈពេល៦ ខែឆ្នាំនេះ ជំងឺគ្រុនឈាមកើតមានជាង ៨ពាន់ករណី កើនឡើង២៨.៦% បើធៀបនឹងឆ្នាំមុន
រុស្ស៊ីផ្លោងមីស៊ីលដាក់ក្រុង Dnipro ស្លាប់១៧នាក់ មុនហ្សេលេនស្គី និងត្រាំ ជួបគ្នានៅកិច្ចប្រជុំណាតូ
កីឡាករ អ៊ុំ ចំរើន មិននឹកស្មានថាមានថ្ងៃនេះ ខណៈអ្វីដែលខំប្រឹងជាង ១០ឆ្នាំបានសម្រេចហើយ
តើឃ្លា« Don’t Thai to Me » ដែលកំពុងពេញនិយម មានន័យដូចម្ដេច?
មន្ទីរបញ្ចកោណ៖ ការវាយប្រហាររបស់អាមេរិក មិនបានបំផ្លាញកម្មវិធីនុយក្លេអ៊ែរអ៊ីរ៉ង់ទេ
ណេតាន់យ៉ាហ៊ូ ប្រកាសជោគជ័យជាប្រវត្តិសាស្រ្តលើ អ៊ីរ៉ង់
ច្រកតំបន់និងច្រកអន្តរជាតិសរុបចំនួន៥ទីតាំង ក្នុងភូមិសាស្ត្រខេត្តបាត់ដំបង ត្រូវបិទជាស្ថាពរ
ថៃនឹងប្រឈមខ្វះថាមពល បើអ៊ីរ៉ង់បិទច្រកនាំប្រេង Hormuz ក្នុងជម្លោះនឹងអ៊ីស្រាអែល
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
-
សន្តិសុខសង្គម៦ ថ្ងៃ agoក្រោយពីភ្លើងឆេះហាង ពេជ្រ ចរណៃ ត្រូវជួសជុលសងម្ចាស់ដើមវិញខ្ទង់ ៥០ ទៅ៦០ម៉ឺនដុល្លារ
-
ព័ត៌មានអន្ដរជាតិ៦ ថ្ងៃ agoផែថងថាន រក្សាភាពស្ងប់ស្ងាត់ និង គ្មានការលាលែងពីអំណាច រហូតពេលនេះ
-
ព័ត៌មានអន្ដរជាតិ២ ថ្ងៃ agoរុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានអន្ដរជាតិ១ សប្តាហ៍ agoយន្តហោះចម្បាំងអាមេរិក ចាកចេញពីមូលដ្ឋាននៅអង់គ្លេសហើយ ដើម្បីទៅជួយអ៊ីស្រាអែល ប្រយុទ្ធជាមួយអ៊ីរ៉ង់
-
ព័ត៌មានអន្ដរជាតិ៦ ថ្ងៃ agoក្រោយធ្លាយសារសំឡេង ផែថងថាន ប្រឈមរឿងសំខាន់៣ លំបាករើខ្លួនរួច
-
ព័ត៌មានអន្ដរជាតិ៧ ថ្ងៃ agoគណបក្ស Bhumjaithai ដកខ្លួនចេញពីរដ្ឋាភិបាលចម្រុះដឹកនាំដោយបក្សភឿថៃ
-
ព័ត៌មានជាតិ១ ថ្ងៃ agoកម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត