នយោបាយ
រដ្ឋមន្ត្រីការបរទេសវៀតណាម គាំទ្រដំណើរទស្សនកិច្ចរបស់សម្តេចតេជោ ហ៊ុន សែនទៅមីយ៉ាន់ម៉ា ប្រកបដោយផ្លែផ្កា
ប្រមុខការទូតកម្ពុជា លោកឧបនាយករដ្ឋមន្រ្តី ប្រាក់ សុខុន បានជួបពិភាក្សាការងារជាមួយលោក ប៊ូយ ថាញ់សឺន (Bui Thanh Son) រដ្ឋមន្ត្រីការបរទេសវៀតណាមកាលពីថ្ងៃព្រហស្បតិ៍ម្សិលមិញ ក្នុងដំណើរទស្សនកិច្ចរយៈពេល២ ថ្ងៃនៅកម្ពុជា ដើម្បីពង្រឹង និងពង្រីកទំនាក់ទំនងទ្វេភាគីរវាងប្រទេសទាំងពីរ។
នៅក្នុងជំនួបនេះ ប្រមុខការទូតវៀតណាម ក្រៅពីមើលឃើញពីការរីកចម្រើននៅប្រទេសកម្ពុជា លោកក៏បានគាំទ្រដំណើរការទស្សនកិច្ចរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ទៅកាន់មីយ៉ាន់ម៉ាផងដែរ។ នេះបើតាមការឲ្យដឹងពីលោកឧបនាយករដ្ឋមន្រ្តី ប្រាក់ សុខុន ។
លោកបានបញ្ជាក់ថា នៅក្នុងជំនួបពិភាក្សាការងារនោះ លោកបានថ្លែងអំណរគុណចំពោះការគាំទ្ររបស់វៀតណាមក្នុងការធ្វើជាប្រធានអាស៊ានរបស់កម្ពុជា និងដំណើរទស្សនកិច្ចការងាររបស់សម្តេចតេជោនាយករដ្ឋមន្ត្រីទៅមីយ៉ាន់ម៉ា ដោយសង្ឃឹមថា នឹងជួយស្តារឡើងវិញនូវស្មារតីគ្រួសារអាស៊ានតែមួយ ក្រោមចក្ខុវិស័យមួយ អត្តសញ្ញាណមួយ និងសហគមន៍មួយ។ លោកថា លោកមានសេចក្តីសោមនស្សរីករាយចំពោះដំណើរទស្សនកិច្ចផ្លូវការនៅកម្ពុជារបស់រដ្ឋមន្រ្តីការបរទេសវៀតណាមមកកាន់កម្ពុជា។
បើតាមលោកឧបនាយករដ្ឋមន្ត្រី ប្រាក់ សុខុន ដំណើរទស្សនកិច្ចរបស់លោក Bui Thanh Son បានបំពេញបន្ថែមលើលទ្ធផលនៃដំណើរទស្សនកិច្ចផ្លូវរដ្ឋរបស់លោកប្រធានរដ្ឋវៀតណាម ង្វៀន សួនហ៊្វុក មកកម្ពុជានាពេលថ្មីៗនេះ និងកិច្ចប្រជុំគណៈកម្មការចម្រុះលើកទី១៩ កាលពីខែមុន។ កត្តាទាំងអស់នេះ គឺជាមូលដ្ឋានជំរុញសន្ទុះនៃទំនាក់ទំនងទ្វេភាគីរបស់ប្រទេសទាំងពីរសម្រាប់ឆ្នាំ២០២២ ដែលជាឆ្នាំមិត្តភាពកម្ពុជា-វៀតណាម៕
អត្ថបទ ៖ កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ