នយោបាយ
លោក យ៉ង សាំងកុមារ, លោក ឡឹក សុធារ និងលោក ដាំ សិទ្ធិ ត្រូវបានបញ្ចូលជាសមាជិកគណបក្សប្រជាជនកម្ពុជាជាផ្លូវការ
គណៈចាត់តាំងគណៈកម្មាធិការកណ្តាលគណបក្សប្រជាជនកម្ពុជា នៅរសៀលថ្ងៃទី ២ ខែធ្នូ ឆ្នាំ ២០២២នេះ បានរៀបចំពិធីបញ្ចូលសមាជិកថ្មីចំនួន ៥ រូប មកពីគណបក្សនយោបាយដទៃ ដែលបានស្នើសុំចូលរួមជីវភាពនយោបាយ ជាមួយគណបក្សប្រជាជនកម្ពុជា។
ពិធីនេះធ្វើឡើង ក្រោមអធិបតីភាពលោកបណ្ឌិត ទេព ងន សមាជិកគណៈអចិន្ត្រៃយ៍គណៈកម្មាធិការកណ្ដាល ដោយមានការអញ្ជើញចូលរួមជាកិត្តិយសពីសំណាក់លោក សោម សឿន សមាជិកគណៈកម្មាធិការកណ្តាល និងជាប្រធាន គណៈចាត់តាំងគណៈកម្មាធិការកណ្តាល គណបក្សគណបក្សប្រជាជន និងសមាជិកសមាជិកាមកពីស្ថាប័នជុំវិញគណៈកម្មាធិការកណ្តាល ផងដែរ។
សមាជិកចំនួន ៥ រូបដែលនឹងត្រូវបានបញ្ចូលជាផ្លូវការក្នុងពេលនេះមកពីគណបក្សចំនួន ៣ រួមមាន៖
១. លោក យ៉ង សាំងកុមារ អតីតប្រធានគណបក្សប្រជាធិបតេយ្យមូលដ្ឋាន
២. លោក ឡឹក សុធារ អតីតអគ្គលេខារងគណបក្សប្រជាធិបតេយ្យមូលដ្ឋាន
៣. លោក ខាត់ សុធី អតីតសមាជិកគណៈកម្មាធិការនាយកគណបក្សប្រជាធិបតេយ្យមូលដ្ឋាន
៤. លោក ដាំ សិទ្ធិ អតីតសមាជិកគណៈកម្មាធិការនាយកគណបក្សសង្រ្គោះជាតិ
៥. លោក យោគ ស៊ីថុន អតីតអគ្គលេខាធិការប្រតិបត្តិរងគណបក្សហ៊្វុនស៊ិនប៉ិច
បន្ទាប់ពីទទួលបានសេចក្តីសម្រេចពីគណៈអធិបតីរួច តំណាងសមាជិកថ្មីលោក យ៉ង សាំង កុមារ បានឡើងសម្តែងនូវសេចក្តីរីករាយ និងអរគុណចំពោះគណអធិបតី ដែលបានបង្កើតនូវពិធីនេះឡើង ដែលបានអនុញ្ញាត្តឲ្យរូបលោកបានចូលជាសមាជិកផ្លូវការរបស់គណបក្ស។
រូបលោកផ្ទាល់បានមើលឃើញថា មានតែគណបក្សប្រជាជនតែមួយគត់ ដែលបម្រើផងប្រយោជន៍ជាតិ និងប្រជាជនយ៉ាងពិតប្រាកដ។ លោកបានបញ្ជាក់ថា រូបលោកបានស្នើសុំសម្តេចតេជោ ដោយផ្ទាល់ដើម្បីយកថ្ងៃ ២ធ្នូ ដែលជាថ្ងៃប្រវត្តិសាស្រ្តបង្កើតរណសិរ្សរំដោះជាតិ ជាថ្ងៃចូលបក្សដើម្បីជាការដឹងគុណចំពោះការលះបង់របស់វីរជន ក៏ដូចជាគណ បក្សប្រជាជនកម្ពុជា ដែលបានរំដោះកម្ពុជាពីរបបប៉ុលពត។ ជាចុងក្រោយលោក យ៉ង សាំងកុមារ បានធ្វើការប្តេជ្ញាចិត្តថា៖
១. គោរព និងអនុវត្តតាមកម្មវិធិ និងលក្ខន្តិកៈរបស់គណបក្សដោយឥតងាករេ និងប្រែក្លាយកម្មវិធីនយោបាយរបស់គណបក្សឲ្យទៅជាការអនុវត្តជាក់ស្តែង
២. ថែរក្សា ពង្រឹង សាមគ្គីភាពផ្ទៃក្នុង រក្សាការសម្ងាត់ និងគោរពអង្គវិន័យរបស់គណបក្សឲ្យបានខ្ជាប់ខ្ជួន និងម៉ឺងម៉ាត់ជាទីបំផុត
៣. ប្តេជ្ញាចូលរួមប្រជុំជីវភាពបក្សឲ្យបានទៀងទាត់
ជាទីបញ្ចប់នៃកម្មវិធីលោកបណ្ឌិត ទេព ងន បានសម្តែងនូវសេចក្តីសោមនស្សរីករាយបំផុតដែលបានធ្វើជាគណអធិបតីក្នុងពិធីមួយនេះ។ លោកក៏បានពាំនាំនូវការផ្តាំផ្ញើសួរសុខទុក្ខពីសំណាក់សម្តេចតេជោ ហ៊ុន សែន ប្រធានគណបក្ស ជូនចំពោះសមាជិកថ្មី និងអំពាវនាវឲ្យសមាជិកទាំងថ្មី និងចាស់ទាំងអស់ធ្វើការរួបរួមគ្នាដើម្បីពង្រឹងគណបក្សជាបន្ត។
លោកបណ្ឌិត ទេព ងន ក៏បានសង្កត់ធ្ងន់ដដែលៗថា សមាជិកចាស់ និងសមាជិកថ្មីជាមួយសមាជិកដូចគ្នា មិនមានការបែងចែកផ្សេងៗឡើយ។ សមាជិកទាំងអស់ត្រូវមានស្មារតីរួបរួមគ្នា គោរពលក្ខន្តិកបក្ស និងបទបញ្ជាផ្ទៃក្នុងរបស់គណបក្ស ឲ្យបានម៉ឺងម៉ាត់បំផុត៕
-
ព័ត៌មានអន្ដរជាតិ៦ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៥ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៦ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៤ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ចរាចរណ៍១ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានជាតិ៧ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៣ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៣ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?