Connect with us

នយោបាយ

តើយុវជនត្រូវធ្វើបែបណា ដើម្បីចូលរួមលុបបំបាត់មនោគមវិជ្ជានយោបាយខ្មៅកខ្វក់របស់ក្រុមជ្រុលនិយម?

បានផុស

នៅ

យុវជន ជាកម្លាំងចលករមួយ ដែលដើរតួនាទីយ៉ាងសំខាន់ក្នុងការជួយសង្គម ជាពិសេស​ ការចូលរួមទប់ស្កាត់បញ្ហានយោបាយដែលបង្កឱ្យមានភាពចលាចលដល់សង្គមជាតិ។ តើយុវជនត្រូវធ្វើបែបណា ដើម្បីចូលរួមលុបបំបាត់មនោគមវិជ្ជានយោបាយខ្មៅកខ្វក់របស់ក្រុមជ្រុលនិយម?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហេង សំណាង ប្រធានក្រុមយុវជនសង្គមស៊ីវិល​នៃសមាគមយុវជនមហានគរ នៅក្នុងកិច្ចសម្ភាសជាមួយ «កម្ពុជាថ្មី» បានលើកឡើងថា ការចូលរួមរបស់យុវជន គឺមានច្រើនសណ្ឋានដែលអាចជួយឱ្យប្រទេសជាតិមានការអភិវឌ្ឍ។ ប៉ុន្តែ ដើម្បីអាចឱ្យយុវជនមានកាតព្វកិច្ចចូលរួមធ្វើសកម្មភាពនៅក្នុងសង្គមនយោបាយ ត្រូវស្របតាមយុទ្ធសាស្ត្របញ្ចកោណដំណាក់កាលទី១ របស់ប្រមុខរាជរដ្ឋាភិបាលនីតិកាលទី៧ ព្រោះយុទ្ធសាស្ត្របញ្ចកោណ ជាយុទ្ធសាស្ត្រមួយដែលមានមាគ៌ាស្រាវជ្រាវរួចជាស្រេច។ លោកថា បើយុវជនអាចចូលរួមនៅក្នុងធាតុណាមួយនៃយុទ្ធសាស្ត្រនេះ ដែលមានដូចជា ការអភិវឌ្ឍធនធានមនុស្ស ទឹក ផ្លូវ នយោបាយសង្គម បរិស្ថាន (វិស័យបរិស្ថាន ការដាំកូនឈើ និងការអប់រំតាមមធ្យោបាយដែលខ្លួនមានជាដើម) ដោយរួមគ្នាកសាង និងអភិវឌ្ឍប្រទេសជាតិយ៉ាងពិតប្រាកដ ដើម្បីទទួលបានផលចំណេញទាំងអស់គ្នា។​

ម្យ៉ាងវិញទៀត នៅក្នុងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល ក៏មាននូវគោលនយោបាយអភិវឌ្ឍធនធានមនុស្ស ដែលនាំឱ្យយុវជនអាចអភិវឌ្ឍសមត្ថភាពរបស់ខ្លួន។ ជាពិសេស យុវជនដែលគ្មានជំនាញច្បាស់លាស់ ខ្វះចំណេះដឹងទូទៅ អាចរៀនជំនាញបណ្តុះបណ្តាលវិជ្ជាជីវៈ ដែលស្របតាមយុទ្ធសាស្ត្ររបស់រាជរដ្ឋាភិបាលដែលបានដាក់ចេញ។

ជាមួយគ្នានោះ លោក ហេង សំណាង ក៏បានអំពាវនាវដល់ក្រុមយុវជន NGO ឬសកម្មជនដែលធ្លាប់ជាអតីតក្រុមជ្រុលនិយម ឬមេដឹកនាំដែលរត់ភៀសខ្លួន ឱ្យបញ្ឈប់នូវការធ្វើវិទ្ធង្សនានយោយបាយ លុបបំបាត់សមិទ្ធផល ក៏ដូចជាការញុះញុងដល់យុវជនជំនាន់ថ្មីបន្តទៅទៀត។ លោកថា​ ប្រទេសកម្ពុជាត្រូវការកម្លាំងចលកររបស់យុវជនក្នុងការអភិវឌ្ឍ ហេតុនេះ គួរតែចូលរួមជាមួយរាជរដ្ឋាភិបាល ដើម្បីកសាងសង្គមជាតិរួមគ្នា៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ២ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ២ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៤ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម