Connect with us

នយោបាយ

ប្រធានសភាម៉ាឡេស៊ីថាសម្ដេចតេជោជារដ្ឋបុរសដ៏ល្បីល្បាញ (Legend)

បានផុស

នៅ

ប្រធានរដ្ឋសភាម៉ាឡេស៊ីលោក តាន់ ស្រ៊ី ដាតូ ចូហារិ ប៊ិន អាប់ឌុល (Tan Sri Dato Johari bin Abdul) បានលើកឡើងថា សម្ដេចតេជោ ហ៊ុន សែន គឺជារដ្ឋបុរសដ៏ល្បីល្បាញម្នាក់ដែល​លោករំពឹងចង់ជួបជាយូរមកហើយ។ វីរៈភាពនៃការលះបង់របស់សម្ដេចគឺជាអ្វីដែលថ្នាក់ដឹកនាំនៅលើពិភពលោក​គួរយកគំរូតាម។

រដ្ឋសភាម៉ាឡេស៊ីជួបប្រធានព្រឹទ្ធសភាកម្ពុជាព្រឹកថ្ងៃទី១៧ ខែមករា ឆ្នាំ២០២៥
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក តាន់ស្រ៊ី បានលើកឡើងក្នុងជំនួបជាមួយសម្ដេចតេជោនៅព្រឹកថ្ងៃទី១៧ ខែមករា ឆ្នាំ២០២៥នេះ នៅវិមានព្រឹទ្ធសភាថា សម្ដេចតេជោ ហ៊ុន សែន ជាមគ្គទ្ទេសក៍ឆ្នើមក្នុងបុព្វហេតុបង្រួបបង្រួម និងផ្សះផ្សាជាតិជាធ្លុងមួយនាំមកនូវសុខសន្តិភាព ស្ថិរភាព និងការរីកចម្រើនរបស់កម្ពុជា។ ដោយប្រៀបធៀបពេលរវាងពេលដែលលោកមកទស្សនកិច្ចនៅកម្ពុជាឆ្នាំ២០០០ ទៅនឹងពេលបច្ចុប្បន្នលោកចង់ឱ្យថ្នាក់ដឹកនាំ និងយុវជនអាស៊ានជំនាន់ក្រោយ​ធ្វើការសិក្សានិងឈ្វេងយល់អំពីគំរូវីរភាព និងស្នាដៃរបស់សម្ដេចតេជោ។

លោកថា៖​ «សម្តេចតេជោ គឺជារដ្ឋបុរសដ៏ល្បីល្បាញ (Legend) ដែលថ្នាក់ដឹកនាំនៅលើពិភពលោកគួរយកគំរូតាម»។

ក្នុងជំនួបនោះសម្ដេចតេជោ ហ៊ុន សែន បានចែករលែកពីការលំបាកពីអតីតកាលដែលកម្ពុជាបានឆ្លងកាត់ និងក្រោមការដឹកនាំរបស់សម្ដេចដែលអាចសម្រេចបាននូវការឯកភាពគ្នា សុខសន្តិភាព និងការអភិវឌ្ឍ ដែលមិនធ្លាប់មានក្នុងរយៈពេល ៥០០ឆ្នាំចុងក្រោយនេះ។

ក្នុងឱកាសនោះសម្ដេចក៏បានរំលឹកពីការចាកចេញពីតំណែងនាយករដ្ឋមន្ត្រីក្នុងពេលដែលសម្ដេចកំពុងមានប្រជាប្រិយ និងកម្លាំងរឹងមាំថាជាការប្ដូរនឹងសន្ដិភាពរយៈពេលវែង និងចៀសវាងបញ្ហាច្រំដែលនៃប្រវត្តិសាស្ត្រកម្ពុជាដែលកើតមាននូវចលាចលនៅពេលផ្លាសប្ដូរអ្នកដឹកនាំ។

អតីតនាយករដ្ឋមន្ត្រីដ៏យូរជាងគេនៅកម្ពុជា បច្ចុប្បន្នជាប្រធានព្រឹទ្ធសភា សម្ដេចតេជោ ហ៊ុន សែន បានប្រឡូកចូលវិស័យនយោបាយនៅខែមករា ឆ្នាំ១៩៧៩ ជារដ្ឋមន្ត្រីការបរទេស​ក្នុងអាយុ២៧ឆ្នាំ ហើយបានក្លាយជានាយករដ្ឋមន្ត្រីដំបូងនៅឆ្នាំ១៩៨៥ ដែលពេលនោះសម្ដេចមានអាយុ៣២ឆ្នាំ សម្ដេចបានរំលឹកក្នុងខួប៤០ឆ្នាំនៃការឡើងកាន់កិច្ចការជានាយករដ្ឋមន្ត្រីថា  ជាងពាក់កណ្តាលសតវត្សរ៍នៃដំណើរជីវិតការលំបាកបានគ្របដណ្តប់មិនតិចជាង៩០ភាគរយនោះឡើយ៕

អត្ថបទដោយ ហ៊ុន សិរីវឌ្ឍន៍

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ ម៉ោង មុន

រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង

ព័ត៌មានជាតិ១០ ម៉ោង មុន

អ្នក​រងរបួស​ដោយ​អគ្គិភ័យ ឆេះ​ក្លិប​កម្សាន្ដ មីតណាយព្រីមៀរ ៥នាក់ ទទួល​បាន​ថវិកា​ពី​អភិបាល​រាជធានីភ្នំពេញ

ព័ត៌មានជាតិ១០ ម៉ោង មុន

បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ

ព័ត៌មានជាតិ១១ ម៉ោង មុន

ពលរដ្ឋកម្ពុជា​ថ្កោលទោស ស៊ន តារា ដែល​កំពុង​វង្វេង​ប្រវត្តិសាស្រ្ត​ដោយលើកឡើងថា “អាមេរិក​មិន​ដែល​ទម្លាក់​គ្រាប់​បែក​សម្លាប់​ខ្មែរ”

ព័ត៌មានជាតិ១៣ ម៉ោង មុន

អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល

Sokha Hotels

ព័ត៌មានពេញនិយម