សន្តិសុខសង្គម

ធ្វើអត្តសញ្ញាណប័ណ្ណនៅប៉ុស្តិ៍នគរបាលឫស្សីកែវជិត១ឆ្នាំមិនបាន ទាល់តែពលរដ្ឋខំមិនចូលផេកស្នងការក្រុងទើបបាន

បានផុស

៥ years មុន

នៅ

ថ្ងៃចន្ទ ១៥ វិច្ឆិកា ២០២១

ដោយ

យោងតាមប្រភពព័ត៌មានពីក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ ដែលគេហទំព័រកាសែតកម្ពុជាថ្មី ទទួលបាន នាថ្ងៃទី១៤ ខែវិច្ឆិកា ឆ្នាំ២០២១ បញ្ជាក់អោយដឹងថា ដោយអនុវត្តតាមបទបញ្ជា និងការណែនាំជាប្រចាំរបស់លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ គ្រប់អធិការនគរបាលខណ្ឌ ប៉ុស្តិ៍ទាំងអស់ ត្រូវតែយកចិត្តទុកដាក់ខ្ពស់បំផុតលើការផ្តល់សេវាទូទៅជូនប្រជាពលរដ្ឋឱ្យបានឆាប់រហ័សបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មួយរយៈពេលកន្លងមកនេះដោយអនុវត្តតាមការណែនាំរបស់លោកស្នងការ ក្រុមការងារព័ត៌មាន និងប្រតិកម្មរហ័ស បានយកចិត្តទុកដាក់យ៉ាងខ្លាំង ក្នុងការតាមដាន ឆ្លើយតប ដោះស្រាយ និងចាត់វិធានការ ដើម្បីធ្វើការងារសេវាសាធារណៈទូទៅជូនពលរដ្ឋដែលសមត្ថកិច្ចមូលដ្ឋានមានការយឺតយាវ ។

ទោះជាយ៉ាងណាក្តីរហូតមកដល់ពេលនេះនៅតែមាន មន្ត្រីមួយចំនួនតូច ខ្វះការយកចិត្តទុកដាក់ក្នុងការផ្តល់សេវាជូនប្រជាពលរដ្ឋ ដូចជាករណីនៅប៉ុស្តិ៍នគរបាលរដ្ឋបាលឬស្សីកែវ នៅពេលមានប្រជាពលរដ្ឋខំមិនមកភ្លាម ក្រុមការងារទាក់ទងទៅអធិការដ្ឋាននគរបាលខណ្ឌឫស្សីកែវ ដើម្បីរៀបចំចាត់ចែងធ្វើជូនគាត់ ព្រមទាំងយកទៅប្រគល់ជូនដល់ខ្នងផ្ទះភ្លាម។

នៅក្នុងផេកស្នងការដ្ឋាននគរបាលរាជធានីភ្នំពេញ សង្កត់ធ្ងន់ថា មន្ត្រីដែលអនុវត្តការងារផ្តល់សេវាជូនប្រជាពលរដ្ឋមិនបានល្អ មានការយឺតយ៉ាវចាប់ពី ២លើកឡើងទៅ នឹងត្រូវហៅមកធ្វើការណែនាំ ធ្វើកិច្ចសន្យា និងអាចអនុវត្តវិន័យកងកម្លាំង ។

ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ និងខិតខំបន្ថែមក្នុងការស្រាវជ្រាវលើករណីយឺតយ៉ាវនេះ ហើយត្រូវតែធ្វើជូនប្រជាពលរដ្ឋឱ្យអស់ មិនត្រូវទុកចោលយូរទៀតឡើយ។

បើនៅតែមានការផ្តល់សេវាទូទៅមានការយឺតយ៉ាវជូនប្រជាពលរដ្ឋនៅរាជធានីភ្នំពេញ សូមប្រជាពលរដ្ឋចូលមកខំមិនក្នុងផេកស្នងការដ្ឋាននគរបាលរាជធានីភ្នំពេញ ឬទំនាក់ទំនងមកលេខ 069 516 999 ៕

អត្ថបទ៖ រ៉ាវុទ្ធ