សន្តិសុខសង្គម

តុលាការកំពូលនឹងកាត់ទោសលោក ឡាយ វណ្ណៈ នៅព្រឹកថ្ងៃសុក្រ នេះ

បានផុស

៥ years មុន

នៅ

ថ្ងៃព្រហស្បតិ៍ ៩ ធ្នូ ២០២១

ដោយ

ប្រភពព័ត៌មានពីតុលាការកំពូលបានអោយដឹងថា នៅព្រឹកថ្ងៃសុក្រ ទី១០ ខែធ្នូ ឆ្នាំ២០២១នេះ ក្រុមប្រឹក្សាតុលាការកំពូល នឹងលើកយកសំណុំរឿងរបស់អតីតអភិបាលខេត្តតាកែវ លោក ឡាយ វណ្ណៈ មកកាត់ទោសតាមបណ្ដឹងសារទុក្ខរបស់គាត់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងរឿងក្ដីឃាតកម្មដ៏កក្រើកនេះ គឺមានតែលោក ឡាយ វណ្ណៈ និងលោក ឡាយ ណារិទ្ធ ជាបងប្រុស និងជាអតីតស្នងការរងខេត្តតាកែវប៉ុណ្ណោះ ដែលប្ដឹងសារទុក្ខឡើងតុលាការកំពូល ក្រោយពីសាលាឧទ្ធរណ៍បានតម្កល់សេចក្ដីសម្រេចរបស់តុលាការថ្នាក់ក្រោមទុកជាបានការទាំងមូល ។

ចំណែកជនជាប់ចោទផ្សេងទៀតបានអនុវត្តទោសចប់អស់ហើយ និងត្រូវបានដោះលែងអោយមានសេរីភាពវិញដែរ ។

លោក ឡាយ វណ្ណៈ និងលោក ឡាយ ណារិទ្ធ បានប្ដឹងសារទុក្ខឡើងតុលាករ កំពូលបន្ទាប់ពីសាលាដំបូង រាជធានី និងសាលាឧទ្ធរណ៍បានសម្រេចផ្ដន្ទាទោសដាក់ពន្ធនាគារលោក ឡាយ វណ្ណព កំណត់១៣ឆ្នាំ និងលោក ឡាយ ណា រិ ទ្ធ១០ឆ្នាំ ក្រោមការចោទប្រកាន់ពីបទឃាតកម្ម តាម មាត្រា ១៩៩នៃក្រម ព្រហ្មទ័ណ្ឌ ពាក់ព័ន្ធនិងការស្លាប់នៃនារីកំណាន់ ឈ្មោះចេវ សុវឌ្ឍនា កាលពីខែមេសា ឆ្នាំ ២០១៨ នៅឯខេត្តតាកែវ ក្រោមរូបភាពអត្តឃាត ដោយ ចងកនៅក្នុងផ្ទះជួលមួយ៕

អត្ថបទ៖ មករា