គួរឱ្យស្តាយ! ប្រទះឃើញសត្វផ្សោតមួយក្បាលងាប់ នៅឆ្នេរក្នុងក្រុងក្រចេះ ប៉ុន្តែ អ្នកជំនាញមិទាន់បញ្ជាក់ពីមូលហេតុ

សត្វផ្សោតមួយក្បាលត្រូវបានគេប្រទះឃើញងាប់ នៅលើឆ្នេខ្សាច់ ប៉ុន្តែងខាងមន្រ្តីជំនាញ់មិនទាន់ដឹងពីមូលហេតុថាងាប់ដោយអ្វីនោះទេ។ ហេតុការណ៍នេះត្រូវបានគេប្រទះឃើញ នៅថ្ងៃទី៨ ខែមករា ឆ្នាំ២០២២ នៅលើឆ្នេខ្សាច់ ភូមិក្បាល កោះ សង្កាត់កោះទ្រុង ក្រុងក្រចេះ។

ទាក់ទងការងាប់សត្វផ្សោតមួយក្បាលខាងលើនេះ រហូតដល់រសៀលថ្ងៃនេះ មិនមានការបញ្ជាក់អះអាងពីរមន្រ្តីររដ្ឋបាលជលផល និងអង្គការ WWF ដែលទទួលបន្ទុកអភិរក្សសត្វផ្សោតថា ងាប់ដោយមូលហេតុអ្វីនោះទេ (គេមិនដឹងថា ការងាប់ដោយសារជាប់មង ដោយសារឆក់ ឬងាប់ដោយសារអស់អាយុកាលនោះទេ)។​

គូរបញ្ជាក់ថា សម្រាប់ខេត្តក្រចេះ សត្វផ្សោតគឺជាគោលដៅទេសចរណ៍ដ៍សំខាន ដើម្បីទាញភ្ញៀវជាតិ និងអន្តរជាតិមកទស្សនា កម្សាន្តនៅខេត្តក្រចេះ ប្រសិនសត្ខផ្សោតនៅតែបន្តងាប់ជាបន្តបន្ទាប់ គេមិនរំពឹងថា ខេត្តភាគឥសាន្តមួយនេះ និងមានភ្ញៀវទេសចរ កើនឡើងនោះទេនោះទេ៕