សន្តិសុខសង្គម

បិទក្លឹបកម្សាន្តយីហោ ប្រាថ្នា មួយកន្លែងជាបណ្ដោះអាសន្ន

បានផុស

៤ years មុន

នៅ

ថ្ងៃសៅរ៍ ១៩ មីនា ២០២២

ដោយ

កម្លាំងចម្រុះចុះបិទក្លឹបកម្សាន្តយីហោ ប្រាថ្នា មួយកន្លែងជាបណ្ដោះអាសន្ន ក្រោយបង្កការរំខានដល់អ្នកជិតខាង និងព្រមទាំងបើកដោយគ្មានច្បាប់អនុញ្ញាត កាលពីនៅវេលាម៉ោង ០៦:៣០នាទីយប់ថ្ងៃសុក្រទី ១៨ ខែមីនា ឆ្នាំ ២០២២ ស្ថិតនៅចំណុចផ្ទះលេខ១៩ ផ្លូវលេខ ៣២២ ភូមិ ៧ សង្កាត់បឹងកេងកង ១ ខណ្ឌបឹងកេងកង រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្មុងការចុះបិទរដ្ឋបាលកម្សាន្តខាងលើនេះ ត្រូវបានដឹកនាំដោយលោក ហួត ហៃ អភិបាលរងនៃគណៈអភិបាលរាជធានីភ្នំពេញ និងដឹកនាំកម្លាំងចម្រុះចុះបិទអាជីវកម្មក្លឹបកម្សាន្ត យីហោ ប្រាថ្នា បើកដោយគ្មានច្បាប់អនុញ្ញាត និងបង្កការរំខានដល់អ្នកជិតខាង។

តាមប្រភពព័ត៌មានពីមន្ត្រីជំនាញបានឲ្យដឹងថា ប្រតិបត្តិការនេះធ្វើឡើងដោយយោងតាមពាក្យបណ្តឹងរបស់បុគ្គលិកស្ថានទូតអាមេរិក ដែលមានទីលំនៅជិតខាង និងប្រជាពលរដ្ឋរស់នៅជុំវិញ ព្រោះហាងមួយនេះតែងតែបង្កសំឡេងរំខានដល់ការសម្រាកនៅពេលរាត្រីរបស់បុគ្គលិកទូត ក៏ដូចប្រជាពលរដ្ឋជិតខាង ដោយកន្លងមកកម្លាំងចម្រុះបានចុះណែនាំ និងធ្វើកិច្ចសន្យា ៤ លើកមកហើយ នៅតែបង្កការរំខានដដែល ទើបពេលនេះទើបកម្លាំងចម្រុះថ្នាក់រាជធានីចុះមកផ្អាកជាលើកចុងក្រោយតែម្ដង៕