សន្តិសុខសង្គម

ជនជាតិចិនម្នាក់ ធ្លាក់ពីលើអគារកាស៊ីណូបង្កការភ្ញាក់ផ្អើលនៅក្រុងព្រះសីហនុ

បានផុស

៣ years មុន

នៅ

ថ្ងៃអង្គារ ២៩ មីនា ២០២២

ដោយ

ព្រះសីហនុ ៖ បុរសជនជាតិចិនម្នាក់ បានធ្លាក់ពីលើអគារកាស៊ីណូមួយកន្លែងនៅកណ្តាលក្រុងព្រះសីហនុ។ ករណីបង្កការភ្ញាក់ផ្អើលដល់ប្រជាពលរដ្ឋនិងក្រុមសមត្ថកិច្ចនេះ បានកើតមានឡើងនៅម៉ោង១៥និង៣០នាទី ថ្ងៃទី២៩ ខែមីនា ឆ្នាំ២០២២។

សមត្ថកិច្ចមូលដ្ឋានបានឲ្យដឹងថា យោងតាមព័ត៌មានបឋម បុរសរងគ្រោះបានធ្លាក់ពីជាន់ទី៣មកដី។សមត្ថកិច្ចបានឲ្យដឹងថា នៅកន្លែងកើតហេតុគេឃើញជនរងគ្រោះដេកស្តូកនៅគំនរឈើក្តាចាស់ចាស់ក្បែរឃឿនថ្ម។ សមត្ថកិច្ចបាននិយាយថា ពេលនេះគេមិនទាន់បានសាកសួរអំពីមូលហេតុនៅឡើយទេថា តើនេះជាករណីលោតសម្លាប់ខ្លួន ឬក៏ករណីរអិលជើងធ្លាក់ដោយខ្លួននោះទេ។ អគារកាស៊ីណូនេះមានឈ្មោះ ហ័រ វួយ ខ្សាច់មាស អន្តរជាតិ នៅមុខមន្ទីរពេទ្យបង្អែកខេត្តព្រះសីហនុ ស្ថិតក្នុងភូមិ០៤ សង្កាត់លេខ០៤ ក្រុងខេត្តព្រះសីហនុ។

ករណី មិនបណ្ដាលឲ្យគ្រោះថ្នាក់ ដល់អាយុជីវិតទេ។ បច្ចុប្បន្នជរនរងគ្រោះ សមត្ថកិច្ចបានបញ្ជូនទៅសង្គ្រោះនៅមន្ទីរពេទ្យបង្អែកខេត្តព្រះសីហនុ។ ចំពោះករណីសមត្ថកិច្ចជំនាញកំពុងធ្វើការស្រាវជ្រាវ ៕

ដោយ ៖ ស៊ុយ ចាន់ធា