សន្តិសុខសង្គម

ជនបរទេសម្នាក់ ធ្លាក់ពីលើអគារជាន់ទី ០៦ បែកក្បាលស្លាប់ មិនទាន់ដឹងមូលហេតុ

បានផុស

១១ ខែ មុន

នៅ

ថ្ងៃព្រហស្បតិ៍ ២១ សីហា ២០២៥

ដោយ

អ៊ិន ពិសី

បុរសជនបរទេសម្នាក់ បានធ្លាក់ពីលើអគារអាផាតមិន ០១ កន្លែង បែកក្បាលស្លាប់ ដោយមិនទាន់ដឹងមូលហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ០៨ និង ០៥ នាទីយប់ ថ្ងៃទី ២០ ខែសីហា ឆ្នាំ ២០២៥ ស្ថិតតាមបណ្ដោយផ្លូវ ១៤៤ សង្កាត់ផ្សារកណ្តាលទី ០១ ខណ្ឌដូនពេញ រាជធានីភ្នំពេញ។

តាមប្រភពព័ត៌មានពីប្រជាពលរដ្ឋបានឲ្យដឹងថា មុនកើតហេតុគេបានឮសំឡេងធ្លាក់ពីលើមេឃ ស្នូរលាន់ដូចផ្ទុះកង់ឡាន ភ្លាមៗ ប្រជាពលរដ្ឋបានប្រទះឃើញបុរសជាជនជាតិបរទេសវ័យប្រហែល ៥០ ឆ្នាំ ម្នាក់ បានបែកក្បាលស្លាប់នៅលើផ្លូវ។ ខណៈនោះ ប្រជាពលរដ្ឋបានប្រញាប់រាយការណ៍ជូនសមត្ថកិច្ចចុះមកឡោមព័ទ្ធទីតាំងកើតហេតុ ដើម្បីធ្វើការស្រាវជ្រាវរកមូលហេតុច្បាស់លាស់ថា តើជាករណីលោតសម្លាប់ខ្លួន ឬ ជាករណីអ្វីផ្សេង?។

បច្ចុប្បន្ន សមត្ថកិច្ចមូលដ្ឋាន ធ្វើការហ៊ុមព័ទ្ធជុំវិញទីតាំងកន្លែងកើតហេតុ ដើម្បីរង់ចាំជំនាញបច្ចេកទេសកោសល្យវិច័យ នៃស្នងការនគរបាលរាជធានីភ្នំពេញ មកធ្វើកោសល្យវិច័យទៅលើសាកសពរបស់ជនរងគ្រោះ និងប្រគល់សពជូនគ្រួសារយកទៅធ្វើបុណ្យតាមប្រពៃណី៕

អត្ថបទ ៖ រដ្ឋា