សន្តិសុខសង្គម
វាសនាអ្នកជំនួញសង់ផ្ទះលក់ ត្រូវផ្ញើខ្លួនក្នុងពន្ធនាគារមួយរយៈពីបទឆបោក
ភ្នំពេញ ៖ តំណាងអយ្យការអមសាលាដំបូងរាជធានីភ្នំពេញ នៅថ្ងៃទី២៥ ខែកក្កដា ឆ្នាំ២០២២ បានសម្រេចធ្វើការចោទប្រ កាន់លើជនសង្ស័យម្នាក់ជាផ្លូវការ ពីបទឆបោក និងមិនបំពេញកាតព្វកិច្ចចំពោះឧបករណ៍អាចជួញដូរបាន នឹងបានចាត់បញ្ជូនទៅចៅក្រមស៊ើបសួរ ដើម្បីឃុំខ្លួនដាក់ពន្ធនាគារជាបណ្តោះអាសន្ន។
ជនសង្ស័យឈ្មោះ ភាន ផាន់នី ភេទប្រុស អាយុ៣៣ ឆ្នាំ មុខរបរ ជាអ្នករកស៊ីទិញដីលក់ផ្ទះលក់ មានទីលំនៅផ្ទះលេខD ៥៦ ផ្លូវបេតុង ភូមិស្រែដូនតូច សង្កាត់ពញាពន់ ខណ្ឌព្រែកព្នៅ រាជធានីភ្នំពេញ។ ជនសង្ស័យត្រូវបានកម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ ចាប់ខ្លួនតាមដីកាបញ្ជាឲ្យចូលខ្លួន របស់លោក សេង ហៀង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ពីបទឆបោក និងមិនបំពេញកាតព្វកិច្ចចំពោះឧបករណ៍អាចជួញដូរបាន ប្រព្រឹត្តនៅរាជធានីភ្នំពេញ ក្នុងអំឡុងខែសីហា ឆ្នាំ២០១៧។ ការចាប់ខ្លួនជនសង្ស័យខាងលើនេះត្រូវបានសមត្ថកិច្ចបង្ហើបឲ្យដឹងថា រឿងផ្តើមចេញពីបុគ្គលឈ្មោះ ភាគ ផាន់នី បានទទួលប្រាក់កក់គេចំនួន៥ម៉ឺនដុល្លារអាមេរិក ដើម្បីយកទៅសង់ផ្ទះលក់ឲ្យគេមួយកន្លែង នៅក្នុងសង្កាត់ពាន់សាំង ខណ្ឌព្រែកព្នៅ រាជធានីភ្នំពេញ លុះដល់ថ្ងៃកំណត់តាមកិច្ចសន្យាបែរជាគ្មានផ្ទះប្រគល់ឲ្យគេ ថែមទាំងគេចវេសពីម្ចាស់លុយទៀតផង និងចេះតែសន្យាខ្យល់ ដូច្នោះហើយទើបធ្វើឲ្យដើមបណ្តឹងគេសម្រេចចិត្តប្តឹងសមត្ថកិច្ចឲ្យចាត់ការតាមផ្លូវច្បាប់។ ចុងក្រោយវាសនាអ្នកសង់ផ្ទះលក់រូបនេះ និងត្រូវផ្ញើខ្លួនក្នុងពន្ធនាគារមួយរយៈ ដោយមូលហេតុគ្មានប្រាក់សម្រាប់ដាក់តម្កល់ធានាខ្លួន ឲ្យរួចផុតពីការចោទប្រកាន់នោះ៕
ដោយ ៖ មករា
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ