បុរសម្នាក់​ដែលបាត់ខ្លួន​ពេលលិចទូកដកណ្ដាលទន្លេ​ឥឡូវ​រកឃើញ​សពហើយ

បុរសម្នាក់ដែលបានបាត់ខ្លួន​កាលពីថ្ងៃទី ១០ ខែសីហា​ ឥឡូវសមត្ថកិច្ចអាវុធហត្ថបាន​រកឃើញ​សាក​សពហើយ នៅត្រង់ចំណុចអូរសូ ក្នុងឃុំក្បាលរមាស ខេត្តស្ទឹងត្រែងនៅព្រឹកថ្ងៃទី១២ ខែសីហា ឆ្នាំ២០២២នេះ ដោយសភាពហើម។

​កាលពីវេលាម៉ោង៧ ព្រឹក ថ្ងៃទី១០ ខែសីហា ឆ្នាំ២០២២ នៅត្រង់ចំណុចចម្លងទូកដ ភោគ បូរិទ្ធ ស្ថិតនៅក្នុងភូមិ៥(សង្គម) ឃុំត្រពាំងច្រេស ស្រុកកូនមុំ ករណីលិចទូកដរបណ្តាលមកពីផ្ទុកមនុស្សលើសចំណុះ ដល់ទៅ១២នាក់ ក្នុងនោះស្រី៦នាក់និងម៉ូតូ៤គ្រឿង ហើយបើកបរចំកន្លែងទឹកហូរគួចខ្លាំងធ្វើឲ្យទូកលិច។ ដោយទូកដរនោះតូច ហើយដាក់មនុស្សច្រើន ថែមទាំងម៉ូតូ៤គ្រឿងផងដែរ។

ក្នុងហេតុការនោះបណ្តាលឲ្យបាត់ខ្លួនបុរសម្នាក់ចំណែកមនុស្ស១១នាក់ផ្សេងទៀត ត្រូវបានប្រជាពលរដ្ឋជួយសង្រ្គោះឲ្យរួចផុតពីស្លាប់ ជនរងគ្រោះបានបាត់ខ្លួននោះ មានឈ្មោះ ជី សឿង ភេទប្រុស អាយុ៤៧ឆ្នាំ ជនជាតិខ្មែរ មុខរបរកសិករ មានទីលំនៅភូមិ៥ ឃុំត្រពាំងច្រេស ស្រុកកូនមុំ ខេត្តរតនគិរី លិចបាត់ម៉ូតូអស់៤គ្រឿង៕

អត្ថបទ៖ វុទ្ធឦសាន