អគ្គិភ័យឆេះផ្ទះស្តុកអេតចាយមួយខ្នងគ្មានសល់កាលពីយប់មិញ

ផ្ទះប្រជាពលរដ្ឋមួយខ្នងត្រូវបានអគ្គិភ័យឆាបឆេះយ៉ាងសន្ធោសន្ធៅបង្កការភ្ញាក់ផ្អើលដល់ប្រជាពលរដ្ឋទាក់ទងទៅសមត្ថកិច្ចចេញរថយន្តមកជួយអន្តរាគមន៍បាញ់ទឹកពន្លត់កាលពីវេលាម៉ោង១២និង២០នាទីរំលងអធ្រាត្រឈានចូលថ្ងៃព្រហស្បតិ៍ទី១៣ ខែតុលា ឆ្នាំ២០២២ ស្ថិតក្នុងសង្កាត់កំបូល ខណ្ឌកំបូល រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីសមត្ថកិច្ចបានឱ្យដឹងថា ផ្ទះខាងលើមានផ្ទុកទៅដោយអេតចាយតែមិនមានមនុស្សស្នាក់នៅទេ។ មុនពេលកើតហេតុមានបងប្អូនប្រជាពលរដ្ឋរាយការណ៍មកថា មានអគ្គិភ័យបានឆាបឆេះផ្ទះមួយខ្នងយ៉ាងសន្ធោសន្ធៅ ភ្លាមនោះក្រុមរថយន្តពន្លត់អគ្គិភ័យបានចេញរថយន្តទៅភ្លាមៗ។

សមត្ថកិច្ចបានបញ្ជាក់ថា រថយន្តពន្លត់អគ្គិភ័យដែលមកធ្វើអន្តរាគមន៍នេះ គឺមកពីច្រើនស្ថាប័នរួមមាន រថយន្ដពន្លត់អគ្គិភ័យ(ង៧០) មកពីសាលាខណ្ឌកំបូល មកពីបុរីក្ដីសង្ឃឹម ដោយប្រើប្រាស់ទឹកអស់ជាច្រើនរថយន្ត ទើបអាចគ្រប់គ្រងអគ្គិភ័យនេះបាន១០០% ដោយមិនឱ្យឆ្លងរាលដាលដល់ផ្ទះប្រជាពលរដ្ឋនៅក្បែរនោះឡើយ ។ ចំពោះមូលហេតុនៃការឆាបឆេះសមត្ថកិច្ចកំពុងស្រាវជ្រាវបន្ត៕

អត្ថបទ៖ សុខា