ឆេះរថយន្ត២គ្រឿង ខណៈកំពុងចតទុកចោល ក្រោយចប់ការងារ

អគ្គិភ័យឆាបឆេះរថយន្តដឹកដីរបស់ក្រុមLMHយ៉ាងសន្ធោសន្ធៅបង្កការភ្ញាក់ផ្អើលដល់ អាជ្ញាធរមូលដ្ឋានទាក់ទងទៅក្រុមរថយន្តពន្លត់អគ្គិភ័យចុះមកអន្តរាគមន៍។ 

ករណីគ្រោះអគ្គិភ័យនេះបានកើតឡើងកាលពីនៅវេលាម៉ោង១២និង១០នាទីរំលងអធ្រាត្រឈានចូលថ្ងៃទី១២ ខែមករា ឆ្នាំ២០២៣ នៅចំណុចចំណតរថយន្ដដឹកដីមួយកន្លែង នៅជិតស្ថានីយបូមទឹកបឹងទំពុន ផ្លូវ៣៧១ សង្កាត់បឹងទំពុន២ ខណ្ឌមានជ័យ រាជធានីភ្នំពេញ។

តាមប្រភពព័ត៌មានពីក្រុមតៃកុងរថយន្តបានឱ្យដឹងថា មុនពេលកើតហេតុ ខណៈដែលចប់ម៉ោងការងារពួកគេបានបើក​យករថយន្តមកឈប់​សម្រាកនៅទីតាំងខាងលើជារៀងរាល់ថ្ងៃ លុះមកដល់វេលាកើតហេតុ ក៏ឃើញមានផ្សែងហុយចេញពីក្បាលរថយន្តបង្កជាអណ្តាតភ្លើងឆាបឆេះយ៉ាងសន្ធោសន្ធៅទើបនាំគ្នាដងទឹកមកជះពន្លត់តែមិនអាចគ្រប់គ្រងបានទើបរាយការណ៍ទៅសមត្ថកិច្ចទាក់ទងទៅក្រុមរថយន្តពន្លត់និងបង្ការគ្រោះអគ្គិភ័យជាច្រើនគ្រឿងមកបាញ់ពន្លត់។

ជំវិញករណីគ្រោះអគ្គិភ័យនេះបានបណ្ដាលឲ្យរងការខូចខាតរថយន្តដឹកដីអស់ចំនួន២គ្រឿង តែមិនមានមនុស្សរងរបួសនោះទេ។

សមត្ថកិច្ចបានបញ្ចាក់ថា មូលហេតុនៃការឆាបឆេះនេះ គឺបណ្ដាលមកពីឆ្លងចរន្តអគិ្គសនី(អាគុយរថយន្ត)៕

អត្ថបទ៖ សុខា