សន្តិសុខសង្គម
សមត្ថកិច្ចឃាត់ខ្លួនស្ត្រីដែលឆបោកអាជីវករនៅក្រុងសៀមរាប
ស្ត្រីម្នាក់ ត្រូវបានសមត្ថកិច្ចឃាត់ខ្លួនពាក់ព័ន្ធនឹងករណីដែលឆបោកយកទ្រព្យសម្បត្តិអ្នកដទៃនៅក្នុងក្រុងសៀមរាប។
សមត្ថកិច្ចបានឲ្យដឹងថា ជនសង្ស័យឈ្មោះ អ៊ិន តារ៉ា ភេទស្រី អាយុ ៣៧ ឆ្នាំ មុខរបរលក់បន្លែ មានស្រុកកំណើតនៅភូមិកំពង់រទេស ឃុំកំពង់រទេស ស្រុកស្ទឹងសែន ខេត្តកំពង់ធំ បច្ចុប្បន្ននៅបន្ទប់ជួល ភូមិបឹងដូនប៉ា សង្កាត់ស្លក្រាម ក្រុង/ខេត្តសៀមរាប ពាក់ព័ន្ធករណីអំពើលួច(បន្លំលួចខោអាវ) និងករណីឆបោក(យកខោអាវ)។
សមត្ថកិច្ចបន្តថា កាលពីថ្ងៃទី ២០ ខែមករា ឆ្នាំ ២០២៣ សមត្ថកិច្ចបានទទួលព័ត៌មានតាមរយៈប្រព័ន្ធបណ្ដាញសង្គមហ្វេសបុក ដែលមានឈ្មោះ និមល កាត់ដេរ បានសរសេរបង្ហោះថា «បងប្អូនសូមប្រុងប្រយ័ត្នស្ត្រីម្នាក់នេះ វាបានមកហាងខ្ញុំ ទិញខោអាវ ពេលច្រករួចហើយ វាបានបញ្ឆោតឲ្យបុគ្គលិកខ្ញុំទៅយកបន្ថែមទៀត ហើយវាក៏បើកម៉ូតូរត់បាត់» ដោយមានភ្ជាប់រូបភាពស្ត្រីដែលជាជនសង្ស័យជិះម៉ូតូម៉ាកហុងដាឌ្រីម ពណ៌ខ្មៅ មានពាក់ផ្លាកលេខសៀមរាប1AM-6355។
ក្រោយពីទទួលបានព័ត៌មាននេះហើយ សមត្ថកិច្ចបានស្រាវជ្រាវស្វែងរកជនរងគ្រោះ ខុន និមល ភេទស្រី អាយុ ៣២ ឆ្នាំ រស់នៅភូមិវត្តដំណាក់ សង្កាត់សាលាកំរើក ក្រុង/ខេត្តសៀមរាប ដើម្បីដាក់ពាក្យបណ្ដឹង។
តាមការបំភ្លឺរបស់ជនរងគ្រោះបានរៀបរាប់ថា កាលពីថ្ងៃទី ០៣ ខែមករា ឆ្នាំ ២០២៣ វេលាម៉ោង ០៧ និង ៣០ នាទី នៅតូបរបស់ខ្លួន ក្នុងភូមិវត្តដំណាក់ សង្កាត់សាលាកំរើក ក្រុង/ខេត្តសៀមរាប មានជនសង្ស័យដែលខ្លួនសរសេរក្នុងគណនេយ្យហ្វេសបុក បានបន្លំលួចខោអាវ ដូចដែលខ្លួនបានរៀបរាប់ក្នុងហ្វេសបុក។ ដោយការសហការល្អ ជាមួយកម្លាំងនគរបាលការិយាល័យព្រហ្មទណ្ឌកម្រិតធ្ងន់ ក៏បានឃាត់ខ្លួនជនសង្ស័យខាងលើ មកសួរនាំ។
ក្រោយពីសួរនាំ ជនសង្ស័យ ឆ្លើយសារភាពថា ខ្លួនបានធ្វើសកម្មភាពបន្លំលួច និងបោកសម្លៀកបំពាក់ក្នុងក្រុងសៀមរាប ចំនួន ០៣ លើក រួមមាន ៖
លើកទី១-នៅថ្ងៃទី ០៩ ខែមិថុនា ឆ្នាំ ២០២២ ខ្លួនបានធ្វើសកម្មភាពបោកយកសម្លៀកបំពាក់ពីជនរងគ្រោះ។ ក្នុងនោះដោយប្រាប់ជនរងគ្រោះថា ខ្លួនជាម៉ូយថៅកែធំ ហើយឲ្យជនរងគ្រោះច្រកខោអាវ ដែលមានតម្លៃស្មើ ៥០០ ដុល្លារ។ ពេលបានខោអាវហើយ ខ្លួនក៏ឲ្យជនរងគ្រោះ ចូលទៅក្នុងតូបច្រកខោអាវទៀត ឆ្លៀតពេលនោះក៏បើកម៉ូតូគេចខ្លួន។
លើកទី២-នៅថ្ងៃទី ១២ ខែតុលា ឆ្នាំ ២០២២ ក្នុងភូមិបន្ទាយជ័យ សង្កាត់សៀមរាប ក្រុង/ខេត្តសៀមរាប ជនសង្ស័យបានបន្លំលួចខោអាវជនរងគ្រោះ។ ក្នុងនោះឲ្យជនរងគ្រោះច្រកខោអាវ រួចជិះម៉ូតូគេចខ្លួន។
លើកទី៣-នៅថ្ងៃទី ០៣ ខែមករា ឆ្នាំ ២០២៣ ក្នុងភូមិវត្តដំណាក់ សង្កាត់សាលាកំរើក ក្រុង/ខេត្តសៀមរាប ខ្លួនបានចូលលួចខោអាវរបស់ជនរងគ្រោះ រួចគេចខ្លួនពិតប្រាកដមែន។ ខោអាវដែលលួចបាន ខ្លួនយកដាក់លក់ជជុះក្នុងផ្សារលើ។
សមត្ថកិច្ចបន្ថែមថា វត្ថុតាងដកហូតបាន ម៉ូតូជនសង្ស័យចំនួន ០១ គ្រឿង និងសម្លៀកបំពាក់ ០២ កំផ្លេ។
បច្ចុប្បន្នកម្លាំងនគរបាលជំនាញ នៃស្នងការដ្ឋាននគរបាលខេត្តសៀមរាប កំពុងកសាងសំណុំរឿងបញ្ជូនទៅតុលាការ ដើម្បីចាត់ការតាមផ្លូវច្បាប់៕
អត្ថបទ ៖ កុសល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង