សន្តិសុខសង្គម
ឃុំខ្លួនក្រុមចោរឆក់ទូរស័ព្ទមិនបានសម្រេច ដាក់ពន្ធនាគារបណ្ដោះអាសន្ន
លោក ជា សុខហៀង ចៅក្រមស៊ើបសួរសាលាដំបូងខេត្តកណ្ដាល កាលពីល្ងាចថ្ងៃទី ២១ ខែកុម្ភៈ ឆ្នាំ ២០២៣ បានសម្រេចចេញដីកាឃុំខ្លួនក្រុមចោរឆក់ទូរស័ព្ទតែមិនបានសម្រេច ដាក់ពន្ធនាគារបណ្ដោះអាសន្ន ពីបទ”ប៉ុនប៉ងក្នុងអំពើលួច” តាមមាត្រា ៣៥៣ ,៣៥៦ និងមាត្រា ៣៦១ នៃក្រមព្រហ្មទណ្ឌ។
ហេតុការណ៍ឆក់យកទូរស័ព្ទនេះបានកើតឡើងកាលពីថ្ងៃទី ២០ ខែកុម្ភៈ ឆ្នាំ ២០២៣ វេលាម៉ោង ២០ និង ១០ នាទី ស្ថិតតាមបណ្ដោយផ្លូវបេតុងលេខ ៤២ មុខរោងចក្រតុងឆាយ ភូមិព្រៃបឹង ឃុំបែកចាន ស្រុកអង្គស្នួល ខេត្តកណ្ដាល។
ជនរងគ្រោះឈ្មោះ ជ ល ហ ភេទប្រុស អាយុ ២៥ ឆ្នាំ ជនជាតិខ្មែរ មុខរបរកម្មករ រស់នៅបុរីមួយកន្លែង ផ្ទះលេខ ១០ ផ្លូវលេខ ០២ ភូមិត្រពាំងក្រសាំង សង្កាត់បឹងធំ ខណ្ឌកំបូល រាជធានីភ្នំពេញ។
ជនត្រូវចោទ ទី១-ឈ្មោះ ទន ឈូក ភេទប្រុស អាយុ ១៨ ឆ្នាំ ជនជាតិខ្មែរ មុខរបរកម្មករសំណង់ រស់នៅភូមិអន្លង់ព្រីង ឃុំដើមឫស ស្រុកកណ្ដាលស្ទឹង ខេត្តកណ្ដាល (អ្នកបើកម៉ូតូ និងឆក់)។
ទី២-ឈ្មោះ យ៉ា រ៉ាយុទ្ធ ភេទប្រុស អាយុ ២១ ឆ្នាំ ជនជាតិខ្មែរ មុខរបរកម្មករសំណង់ រស់នៅភូមិអន្លង់ព្រីង ឃុំដើមឫស ស្រុកកណ្ដាលស្ទឹង ខេត្តកណ្ដាល (អ្នកជិះក្រោយ)។
នគរបាលស្រុកអង្គស្នួលបានឲ្យដឹងថា មុនពេលកើតហេតុជនរងគ្រោះបានជិះម៉ូតូឌុបប្រពន្ធចេញពីផ្សារទំនើបអ៊ីអន រាជធានីភ្នំពេញ ឆ្ពោះទៅផ្ទះរបស់ខ្លួននៅបុរីមួយកន្លែង ក្នុងខណ្ឌកំបូល។ លុះពេលធ្វើដំណើរហួសសាលាមត្តេយ្យអ៊ុក ច័ន្ទ ភូមិត្នោតម្តើម ឃុំបែកចាន បន្តិច ជនរងគ្រោះបានឃើញជនសង្ស័យចំនួន ០២ នាក់ ជិះម៉ូតូ ០១ គ្រឿង ម៉ាកនិច ពណ៌ស កំពុងធ្វើដំណើរនៅខាងមុខ(ទិសដៅស្របគ្នា) ហើយជនរងគ្រោះក៏បានបើកម៉ូតូវ៉ាទៅមុន។ លុះដល់ចំណុចកើតហេតុខាងលើ ជនសង្ស័យទាំង ០២ នាក់ ក៏បានជិះម៉ូតូដេញតាមក្រោយ រួចមកពាក់ទឹមជាមួយម៉ូតូជនរងគ្រោះ។ ជាមួយនោះ ភ្លាមនោះ ជនសង្ស័យដែលជាអ្នកបើកម៉ូតូ បានធ្វើសកម្មភាពលូកដៃឆក់យកទូរស័ព្ទដៃរបស់ជនរងគ្រោះដែលកំពុងកាន់ជាប់ដៃ តែមិនបានសម្រេច។
នគរបាលស្រុកអង្គស្នួលបានបន្ថែមទៀតថា ក្រោយធ្វើសកម្មភាពឆក់ទូរស័ព្ទមិនបានសម្រេច ជនសង្ស័យទាំង ០២ នាក់ខាងលើ ក៏បានជិះម៉ូតូគេចខ្លួនឆ្ពោះទៅទិសខាងត្បូង ហើយជនរងគ្រោះក៏បានដេញតាមពីក្រោយរហូតដល់សង្កាត់បឹងធំ ខណ្ឌកំបូល រាជធានីភ្នំពេញ បានជួបកម្លាំងប្រជាការពារ ក៏ប្រាប់អំពីភិនភាគជនសង្ស័យទាំង ០២ នាក់ រួចកម្លាំងប្រជាការពារបានបោះដៃតាមប្រព័ន្ធអាយកូម រាយការណ៍ជូនកម្លាំងប៉ុស្តិ៍សង្កាត់បឹងធំ ឲ្យជួយ និងបានទូរស័ព្ទទៅកម្លាំងប៉ុស្តិ៍ដើមឫស ស្រុកកណ្ដាលស្ទឹង ទើបស្ទាក់ឃាត់ខ្លួនបានជនសង្ស័យទាំង ០២ នាក់ នៅចំណុចភូមិអន្លង់ព្រីង ឃុំដើមឫស ស្រុកកណ្ដាលស្ទឹង ខេត្តកណ្ដាល តែម្ដង។
បន្ទាប់មកកម្លាំងអធិការដ្ឋាននគរបាលស្រុកកណ្ដាលស្ទឹង បានផ្ដល់ព័ត៌មានមកអធិការដ្ឋាននគរបាលស្រុកអង្គស្នួល ដើម្បីប្រគល់ទទួលជនសង្ស័យ។
ក្រោយមកកម្លាំងផ្នែកជំនាញ នៃអធិការដ្ឋាននគរបាលស្រុកអង្គស្នួល បានទទួលយកជនសង្ស័យទាំង ០២ នាក់ រួមទាំងវត្ថុតាង ពីកម្លាំងផ្នែកជំនាញ នៃអធិការដ្ឋាននគរបាលស្រុកកណ្ដាលស្ទឹង មកកាន់អធិការដ្ឋាននគរបាលស្រុកអង្គស្នួល។
ជនសង្ស័យទាំង ០២ នាក់ បានសារភាពថា ខ្លួនពិតជាបានធ្វើសកម្មភាពឆក់ទូរស័ព្ទដៃរបស់ជនរងគ្រោះពិតប្រាកដមែន តែពុំបានសម្រេច៕
អត្ថបទ ៖ ឆៃ យ៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ