ករណីអគ្គិភ័យកំពុងឆាបឆេះក្លិបកម្សាន្តមួយកន្លែងនៅ ខណ្ឌចំការមន

ខណៈនេះ​ មានករណី​អគ្គិភ័យកំពុងឆាបឆេះក្លិបកម្សាន្ត​ មួយកន្លែង​ ដែលស្ថិតនៅក្នុង​សង្កាត់ទន្លេបាសាក់​ ខណ្ឌចំការមន រាជធានីភ្នំពេញ​ នាវេលា​ម៉ោង​ ១និង១៥នាទីរសៀល​ ថ្ងៃទី០១​ ខែមេសា​ ឆ្នាំ២០២៣នេះ។

នេះ បើតាមការផ្ដល់ព័ត៌មានពី ការិយាល័យបង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ នៅមុននេះ។

ក្រោយពីទទួលបានដំណឹងនេះភ្លាម កម្លាំងសមត្ថកិច្ចជំនាញបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ​ បានចេញរថយន្តពន្លត់អគ្គិភ័យទៅជួយអន្តរាគមន៍​ផងដែរ​។

គួរបញ្ជាក់ថា លេខសម្រាប់ផ្តល់ព័ត៌មានទាន់ហេតុការណ៍​ 666​ សម្រាប់តែប្រព័ន្ធ​ (Cellcard)​ ប៉ុណ្ណោះ និង លេខក្រុមការងារព័ត៌មាន​ និងប្រតិកម្មរហ័ស​ 097​ 7​ 3333​ 55​ ក្នុងករណីចាំបាច់បំផុត៕