សន្តិសុខសង្គម
សមត្ថកិច្ចរកឃើញបុរសរត់ម៉ូតូកង់បី ជិះពង្វាងចូលផ្លូវស្ងាត់ បណ្ដាលឱ្យស្ត្រីជនបរទេសលោតចុះរងរបួសឃើញហើយ!
បាត់ដំបង ៖ សមត្ថកិច្ចនគរបាលខេត្តបាត់ដំបង បានធ្វើការស្វែងរក អ្នករត់ម៉ូតូកង់បីដែលជិះពង្វាងចូលផ្លូវស្ងាត់ មិនបានដាក់ស្ត្រីជនបរទេសចុះ តាមគោលដៅដែលបានចរចានោះ ឃើញហើយ នេះបើតាមក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលខេត្តបាត់បានបញ្ជាក់នៅយប់ថ្ងៃទី០៧ ខែសីហា ឆ្នាំ២០២៣នេះ។
ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលខេត្តបាត់បានឲ្យដឹងថា ក្រោមបទបញ្ជាយ៉ាងហ្មឺងមាត់របស់លោកឧត្តមសេនីយ៍ទោសាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង សមត្ថកិច្ចនគរបាលបានស្វែងរកបុរស ដែលបើកម៉ូតូកង់បីនាំបង្កហេតុរហូតបណ្តាលឱ្យស្ត្រីជាជនជាតិបរទេសម្នាក់រងរបួស កាលពីវេលាទៀបភ្លឺថ្ងៃទី៥ ខែកក្កដា ឆ្នាំ២០២៣ នៅក្នុងភូមិសាស្ត្រ សង្កាត់អូរចារ ក្រុងបាត់ដំបង ខេត្តបាត់ដំបង។
ក្នុងកិច្ចប្រតិបត្តិការស្រាវជ្រាវស្វែងរកក្នុងរយៈពេល០២ថ្ងៃមកនេះ សមត្ថកិច្ចនគរបាល បានធ្វើការស្រាវជ្រាវយ៉ាងសកម្មបំផុត ដោយមានការចូលរួមពីសមត្ថកិច្ចអាជ្ញាធរពាក់ព័ន្ធ និងជាពិសេសគឺការចូលរួមគាំទ្រនូវចំណាត់ការរបស់សមត្ថកិច្ចពីមហាជនដែលនិយមប្រើប្រាស់បណ្តាញសង្គម ក៏ដូចសាក្សីនានា ទើបនគរបាល ទទួលបាននូវលទ្ធផលបែបនេះ។
ខណៈនេះ បុរសអ្នកបើកម៉ូតូកង់បី សមត្ថកិច្ចកំពុងធ្វើការសាកសួរនៅបរិវេណស្នងការដ្ឋាននគរបាលខេត្តបាត់ដំបង រីឯព័ត៌មានលំអិតជុំវិញករណីនេះសមត្ថកិច្ចសូមជម្រាបជូននៅពេលបន្ទាប់ទៀត។
សូមរំលឹកផងដែរថា កាលពីថ្ងៃទី៥ ខែសីហា ឆ្នាំ២០២៣ មានស្ត្រីជនបរទេសម្នាក់ បានធ្វើដំណើរពីភ្នំពេញ មកបាត់ដំបង ក្នុងបំណងទេសចរណ៍ ដោយជិះឡានក្រុងពេលយប់ រហូតដល់ម៉ោង៤ទៀបភ្លឺ ក៏បានជិះម៉ូតូកង់បីបន្តដំណើរមកសណ្ឋាគារឡាគី ប៉ុន្តែនៅពេលមកដល់មុខសណ្ឋាគារហើយ ម៉ូតូកង់បីមិនបានដាក់គាត់ចុះតាមគោលដៅដែលបានចរចាមុនពេលឡើងជិះទេ ទោះបីគាត់ព្យាយាមប្រាប់ឲ្យឈប់ក្តី ក៏មិនឈប់ដែរ បែរជាព្យាយាមជិះពង្វាងគាត់ទៅផ្លូវស្ងាត់ ឃើញស្ថានភាពមិនស្រួលគាត់ក៏លោតចុះពីលើម៉ូតូកង់បី ធ្វើឲ្យមានរបួសបាក់ម្រាមដៃនិងរបកមុខមាត់៕
កែសម្រួលដោយ ៖ នាគព័ន្ធ
-
ព័ត៌មានអន្ដរជាតិ១៥ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ