សន្តិសុខសង្គម

លោក ម៉ក់ ជីតូ ៖ មេខ្លោងថ្នាំញៀន ដែលក្រុមឧក្រិដ្ឋជនរំដោះបាននៅសៀមរាប បានគេចខ្លួនចេញពីកម្ពុជាហើយ

បានផុស

៣ years មុន

នៅ

ថ្ងៃសៅរ៍ ១៩ សីហា ២០២៣

ដោយ

ភ្នំពេញ ៖ បន្ទាប់ពីមានករណីក្រុមឧក្រិដ្ឋជន ធ្វើសកម្មភាពចូលទៅរំដោះមេខ្លោងថ្នាំញៀន នៅគ្លីនិកពេទ្យធ្មេញឯកជនរួចមក ខណៈពេលនេះមេខ្លោងថ្នាំញៀនរូបនោះ បានគេចខ្លួនចេញពីកម្ពុជាហើយ។ នេះបើតាមការឱ្យដឹងរបស់លោក ម៉ក់ ជីតូ អគ្គស្នងការរងនគរបាលជាតិ ទទួលផែនប្រឆាំងបទល្មើសគ្រឿងញៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ក់ ជីតូ បានថ្លែងក្នុងសន្និសីទសារព័ត៌មាននៅមន្ទីរប្រឆាំងគ្រឿងញៀន នាថ្ងៃទី១៩ ខែសីហា ឆ្នាំ២០២៣នេះ ថា មេខ្លោងថ្នាំញៀនជនជាតិចិន ឈ្មោះ Chen Hsin Han ដែលក្រុមឧក្រិដ្ឋជនរំដោះបាននោះ បានគេចខ្លួនចេញពីកម្ពុជាហើយ។

លោកបន្តថា មុនពេលមេខ្លោងរូបនេះចេញពីកម្ពុជា គឺបានរត់មកលាក់ខ្លួនបណ្ដោះអាសន្ននៅ រាជធានីភ្នំពេញ ទើបបន្តចេញទៅក្រៅប្រទេស។ លោកបានបន្តទៀតថា កម្លាំងសមត្ថកិច្ចកម្ពុជា បានដឹងទីតាំងប្រទេសដែលមេក្លោងនោះរត់ទៅលាក់ខ្លួនហើយ និងកំពុងតែសហការគ្នាយ៉ាងស្អិតរមួតជាមួយប្រទេសជិតខាង ដើម្បីតាមចាប់ខ្លួនយកមកផ្ដន្ទាទោសតាមច្បាប់យ៉ាងតឹងរ៉ឹងឱ្យខាងតែបាន មិនអាចលើកលែងបានឡើយ។ លោកបន្ដថា កម្លាំងសមត្ថកិច្ចតាមព្រំដែនក៏កំពុងសហការគ្នាដើម្បីស្រាវជ្រាវបន្ដទៀតផងដែរ។

សូមបញ្ជាក់ផងដែរថា កាលពីថ្ងៃទី១៧ ខែសីហា ឆ្នាំ២០២៣ នៅចំណុចគ្លីនិកធ្មេញ ជុំ ចិន្តា ក្នុងភូមិតាភុល សង្កាត់ស្វាយដង្គំ ក្រុងសៀមរាប ខេត្តសៀមរាប មានឧក្រិដ្ឋជនមួយក្រុមបានធ្វើសកម្មភាពសម្រុកចូលរំដោះអ្នកទោសជនជាតិចិនម្នាក់ឈ្មោះ Chen Hsin Han ដែលជាមេខ្លោងគ្រឿងញៀនត្រូវបានតុលាការអនុវត្តទោសចំនួន៥២ឆ្នាំ៕