សន្តិសុខសង្គម
ប្រជាពលរដ្ឋព្រួយបារម្ភ មច្ឆាជាតិនឹងធ្លាក់ចុះ ខណៈបទល្មើសប្រើអ៊ុយពាសពេញស្ទឹងសង្កែ
កូនត្រីចម្រុះចាប់ផ្តើមសម្រុកបម្លាស់ទីចុះទៅប៉ែកបឹងទន្លេសាប តាមដងស្ទឹងសង្កែយ៉ាងសន្ធឹកសន្ធាប់ ធ្វើឲ្យឈ្មួញ ឈរជើងមិនហ្នឹង បានសម្រុកនាំគ្នាយកឧប្បករណ៍ល្មើស”ស្បៃអ៊ុយ”។ មន្ត្រីជំនាញលើកឡើងថា កូនត្រីសម្រុកចុះទៅបឹងទន្លេសាបយ៉ាងច្រើនបែបនេះ គឺស្របពេលអាកាសធាតុធ្លាក់ខ្យល់ ទើបពពួកកូនត្រីធ្វើការបម្លាស់ទីនៅតាមតំបន់ ផ្សេងៗក៏កើតមានដូចគ្នា ហើយកូនត្រីដែលធ្វើការបម្លាស់ទីពីដងស្ទឹងសង្កែឆ្ពោះទៅដែនបឹងទន្លេសាប គឺជាងមួយសប្ដាហ៍ ហើយឆ្នាំនេះស្ថានភាពត្រីក្នុងដងស្ទឹងសង្កែ ហាក់មានសន្ទុះចុះខ្លាំងជាងឆ្នាំកន្លងទៅ។
![](https://www.kampucheathmey.com/wp-content/uploads/2023/11/Screenshot_20231127_095215.jpg)
![](https://www.kampucheathmey.com/wp-content/uploads/2023/11/Screenshot_20231127_112706.jpg)
បើតាមប្រជាពលរដ្ឋ រដូវកាលឆ្នាំនេះមានកូនត្រីច្រើនជាងឆ្នាំមុន ដែលបានសម្រុកចុះទៅដែនបឹងទន្លេសាប ទើបបង្កឲ្យមានបទល្មើសនេសាទប្រើប្រាស់”ស្បៃអ៊ុយ”យ៉ាងច្រើនស្អេកស្កះពាសពេញតាមដងស្ទឹងសង្កែនៅប៉ែកខាងក្រោម”ទំនប់ស្គាក់ទឹកសាលាតាអន” ស្ថិតក្នុងស្រុកឯកភ្នំ ខណៈគេមិនឃើញមន្ត្រីជំនាញ ឬអាជ្ញាធរមានវិធានការចុះទប់ស្កាត់ឡើយ ។ បើតាមមន្ត្រី មូលដ្ឋានបានប្រាប់ថា ស្ថានភាពត្រីនៅតាមសងស្ទឹងសង្កែមានសន្ទុះចុះខ្លាំងនេះ មន្ត្រីមូលដ្ឋានក៏បានរាយការណ៍ទៅហើយ តែមិនមានមន្ត្រីជំនាញណា មកធ្វើការទប់ស្កាត់នោះទេ ហើយគេក៏ចាប់ផ្ដើមប្រទះឃើញ បទល្មើសនេសាទកើតឡើងយ៉ាងព្រោងព្រាត ពាសពេញដងស្ទឹង នៅប៉ែកខាងក្រោម”ទំនប់ស្តាក់ទឹកសាលាតាអន”យ៉ាងសន្ធឹកសន្ធាប់ ដែលភាគច្រើនអ្នកប្រព្រឹត្ត គឺអ្នកមកពីចម្ងាយ ដែលបានប្រើសំណាញ់ហ៊ុមព័ទ្ធសំរាស់ឈើ និង ស្បៃអ៊ុយ ធ្វើឲ្យកូនត្រីចុះមិនរួចនោះទេ។
![](https://www.kampucheathmey.com/wp-content/uploads/2023/11/Screenshot_20231127_095152.jpg)
![](https://www.kampucheathmey.com/wp-content/uploads/2023/11/Screenshot_20231127_095233.jpg)
ពាក់ព័ន្ធករណីខាងលើ កម្ពុជាថ្មី មិនអាចទំនាក់ទំនងបានជាមួយមន្ត្រីជលផលស្រុកឯកភ្នំ ដើម្បីសុំការបញ្ជាក់ជុំវិញករណី នេះថាយ៉ាងណានោះទេ។ បើទោះបែបនេះ លោក ជួង សុភា នាយខណ្ឌរដ្ឋបាលជលផលខេត្ត នៅមុននេះបន្តិច លោកបាន ប្រាប់ កម្ពុជាថ្មី ថា នៅថ្ងៃទី២៧ ខែវិច្ឆិកា នេះលោកបានរៀបចំកម្លាំង បង្ក្រាបហើយ ដោយបង្ក្រាបចាប់ពីចំណុចខាងក្រោមទំនប់ រហូតដល់ផ្នែកខាងលើនៃទំនប់ ហើយលទ្ធផលយ៉ាងណា ចាំលោកផ្តល់ជូនតាមក្រោយ៕ អត្ថបទ៖ សៅ សារិទ្ធ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៤ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ៥ ថ្ងៃ ago
រយៈពេល៣៥ថ្ងៃ សាលាដំបូងរាជធានីខេត្ត ទទួលបានសំណុំរឿង ក្មេងទំនើងចំនួន ២៤៤ករណី