សន្តិសុខសង្គម

ផ្ទុះធុងហ្គាសបង្កជាអគ្គិភ័យ បណ្ដាលឱ្យឆាបឆេះតូបលក់ដូរ និងផ្ទះពលរដ្ឋចំនួន៥ខ្នង

បានផុស

៣៩ វិនាទី មុន

នៅ

ថ្ងៃព្រហស្បតិ៍ ១៨ មេសា ២០២៤

ដោយ

ព្រះវិហារ ៖ សមត្ថកិច្ចស្រុកជ័យសែន បានឲ្យដឹងថា នៅវេលាម៉ោង ១៤និង៣០នាទី ថ្ងៃទី១៨ ខែមេសា ឆ្នាំ២០២៤ មានករណីអគ្គិភ័យឆាបឆេះផ្ទះបងប្អូនប្រជាពលរដ្ឋ ស្ថិតក្នុង ភូមិស្អាង ឃុំស្អាង ស្រុកជ័យសែន ខេត្តព្រះវិហារ។ អគ្គិភ័យបានឆាបឆេះផ្ទះបងប្អូនប្រជាពលរដ្ឋអស់ចំនួន ២ ខ្នងខូចខាតទាំងស្រុង និង ៣ខ្នងទៀតខូចខាត ៤០ ភាគរយ ករណីខាងលើនេះបណ្ដាលមកពីផ្ទុះធុងហ្គាស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបន្តថា ម្ចាស់ផ្ទះខាងលើមាន ឈ្មោះ រិន សំបូរ អាយុ ៤០ ឆ្នាំ ជាអ្នកលក់និងដូរហ្គាស ( ធុងហ្គាស មានសភាពចាស់ មានច្រេះ ស្របពេល អាកាសធាតុ ឡើង ៤២ អង្សា) អគ្គិភ័យ ចាប់ផ្តើមពីផ្ទះ ឈ្មោះ រិន សំបូរ។ ជនរងគ្រោះ របួស សើស្បែក ៥ នាក់ ដោយសារការចូលរួម ជួយ ពន្លត់។ករណីនេះ សមត្ថកិច្ចកំពុងស្រាវជ្រាវ បន្តទៀត។

កងកម្លាំងអធិការដ្ឋាន នគរបាលស្រុកជ័យសែន អធិការដ្ឋាន នគរបាលស្រុក ឆែប ដោយប្រើប្រាស់ ទឹក អស់ ចំនួន ១០ រថយន្ត បាន ពន្លត់រលត់ ដោយជោគជ័យ និង មិនបណ្តាលឱ្យរាលដាល ទៅផ្ទះផ្សេងដទៃទៀត នៅវេលា ម៉ោង ១៦និង២០នាទីថ្ងៃដដែល៕

ដោយ ៖ ជុន កុសល