គណៈបញ្ជាការឯកភាពខណ្ឌសែនសុខ ចុះបង្រ្កាបល្បែងសុីសង ឡូតូ ដកហូតសម្ភារមួយចំនួន

គណៈបញ្ជាការឯកភាពខណ្ឌសែនសុខ ចុះបង្រ្កាបល្បែងសុីសង ឡូតូ ខុសច្បាប់មួយកន្លែងដកហូតបានសម្ភារៈមួយចំនួន។ ការចុះបង្រ្កាបនេះបានធ្វើឡើងនៅរសៀលថ្ងៃទី១៤ ខែសីហា ឆ្នាំ២០២៤ ស្ថិតនៅផ្លូវបេតុងភូមិទំនប់ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។

មន្ត្រីសមត្ថកិច្ចបានឲ្យដឹងថា បន្ទាប់ពីមានពលរដ្ឋរាយការណ៍ថា ចំណុចផ្ទះគ្មានលេខខាងលើបានបង្កប់ល្បែងសុីសង ឡូតូ ខុសច្បាប់ លោក ម៉ូវ ម៉ានិត អភិបាលនៃគណៈអភិបាលខណ្ឌសែនសុខ បានដាក់បទបញ្ជាអោយ លោក សាំង សុភៈវិចិត្រ អភិបាលរងខណ្ឌ និងលោក ញាណ ចន្ថាវេរ៉ា អភិបាលរងខណ្ឌ ដឹកនាំកម្លាំងចុះបង្រ្កាបដល់ទីតាំងតែម្ដង។

ក្នុងវង្វង់ប្រតិបត្តិការណ៍ខាងលើនេះ ក្រោយត្រួតពិនិត្យរួចរាល់កម្លាំងបានដកហូតសម្ភារមួយចំនួន រួមមាន៖ កុំព្យូរទ័រ ចំនួន១គ្រឿង ព្រីភ្លើង ចំនួន០១ដុំ តុ ចំនួន១។ វត្ថុតាងដែលបានដកហូត បញ្ជូនទៅអធិការដ្ឋាននគរបាលខណ្ឌសែនសុខ ដើម្បីចាត់ការតាមនិតិវិធី៕

អត្ថបទ៖ រដ្ឋា