Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង

ឃ្លាំងស្តុកកង់ចាក់សោរចោលមួយកន្លែងក្នុងOCICត្រូវបានអគ្គិភ័យឆាបឆេះ ប្រឈមការខូចខាតសម្ភារៈខាងក្នុងទាំងស្រុងដោយមិនទាន់ដឹងមូលហេតុ ។

ហេតុការណ៍នេះកើតឡើងនៅវេលាម៉ោង៥ល្ងាច ថ្ងៃទី២៦ខែកញ្ញាឆ្នាំ២០២៤ ស្ថិតតាមបណ្ដលផ្លូវបេតុង ក្នុងតំបន់ OCIC សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។

តាមប្រភពពីប្រជាពលរដ្ឋនៅជិតកន្លែងកើតហេតុបានឱ្យថា មុនកើតហេតុគេឃើញមានផ្សែងខ្មៅខ្មួលខ្មាញ់ហ៊ុយចេញពីក្នុងឃ្លាំងក៏លេចមានអណ្តាតភ្លើងឆាបឆេះយ៉ាងសន្ធោសន្ធៅកាន់តែខ្លាំងឡើងៗ ធ្វើឱ្យប្រជាពលរដ្ឋពិបាកជួយក្នុងការពន្លត់ ក៏រាយការណ៍ជូនសមត្ថកិច្ចមូលដ្ឋាន ដើម្បីបន្តទាក់ទងទៅសមត្ថកិច្ចជំនាញអគ្គិភ័យ មកជួយអន្តរាគមន៍បាញ់ពន្លត់។

បច្ចុប្បន្នកម្លាំងជំនាញផ្នែកពន្លត់អគ្គិភ័យនៃស្នងការនគរបាលរាជធានីភ្នំពេញកំពុងតែអន្តរាគមន៍ធ្វើការបាញ់ពន្លត់កុំឲ្យមានការរិះរាលដាបន្តទៅដល់ផ្ទះអ្នកជិតខាង៕

អត្ថបទ៖ម៉េង