សន្តិសុខសង្គម

កាប់ដើមសំរងមិនប្រយ័ត្ន បាក់សង្កត់ស្លាប់មនុស្សម្នាក់

បានផុស

១ year មុន

នៅ

ថ្ងៃព្រហស្បតិ៍ ២៤ មេសា ២០២៥

ដោយ

ប្រជាពលរដ្ឋដែលជាអ្នកប្រកបមុខរបររើសផ្លែសំរងម្នាក់ បានស្លាប់ភ្លាមៗ នៅនឹងកន្លែងកើតហេតុ ខណៈដែលក្រុមជនរងគ្រោះបាននាំគ្នាទៅរកផ្លែនេះក្នុងព្រៃ ដោយប្រើប្រាស់វិធីសាស្ត្រកាប់ផ្ដួលរំលំដើម ហើយក៏បាក់សង្កត់គ្នាឯងស្លាប់យ៉ាងអាណោចអាធ័ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ០៩ និង ០០ នាទី ព្រឹកថ្ងៃទី ២៣ ខែមេសា ឆ្នាំ ២០២៥ ស្ថិតនៅចំណុចភ្នំអាង៉ែត ជិតប៉ុស្តិ៍ការពារបរថ្មី ស្ថិតក្នុងភូមិស្រែអណ្ដូង ឃុំសំឡូត ស្រុកសំឡូត ខេត្តបាត់ដំបង។

តាមរបាយការណ៍របស់សមត្ថកិច្ចបានឲ្យដឹងថា ជនរងគ្រោះមានឈ្មោះ រ៉េម វីន ភេទប្រុស អាយុ ៣៦ ឆ្នាំ រស់នៅដូនព្រឹត ឃុំតាសាញ បានទៅកាប់សំរង ដើម្បីយកផ្លែលក់ បណ្ដាលឲ្យដើមសំរងរលំកិនស្លាប់ភ្លាមៗ ដោយបច្ចុប្បន្នសាច់ញាតិបានយកសាកសពអ្នកស្លាប់មកធ្វើបុណ្យតាមប្រពៃណីហើយ៕

អត្ថបទ ៖ សោ និយមរ័ត្ន