ទំនិញថៃ៧មុខ ស្មើ៧៦តោន ត្រូវសមត្ថកិច្ចចម្រុះឆែកឆេរឃើញមិនទាន់បង់ពន្ធ

ភ្នំពេញ ៖ កម្លាំងសមត្ថកិច្ចចម្រុះ ចុះត្រួតពិនិត្យ នឹងឆែកឆេរឃ្លាំងមួយកន្លែង រកឃើញទំនិញចំនួន ៧មុខ ដែរមិនទាន់បង់ពន្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះត្រួតពិនិត្យនេះដែរ បានធ្វើឡើងកាលពីវេលាម៉ោង ០២រសៀលថ្ងៃទី ០៤ ខែតុលា ឆ្នាំ២០២៥ នៅចំណុចឃ្លាំងយីហោ « ខេ.យូ.អេស ខូអិលធីឌី » តាមបណ្តោយផ្លូវលេខ ៣៨ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។

តាមការបញ្ជាក់ពីប្រជាពលរដ្ឋបានឱ្យដឹងថា ជារៀងរាល់ថ្ងៃគេបានឃើញឃ្លាំងខាងលើនេះ បានធ្វើដឹកទំនិញចេញចូល ប៉ុន្តែក៏ស្រាប់តែនៅថ្ងៃកើតហេតុ ក៏ស្រាប់តែមានមន្ត្រីជំនាញគយចល័ត បានចុះមកកាន់ទីតាំងខាងលើ ដើម្បីឆែកឆេរ នឹងត្រួតពិនិត្យ ប៉ុន្តែពុំដឹងថាមានបញ្ហាអ្វីនោះឡើយ ។

បើតាមការបញ្ជាក់ពីមន្រ្តីជំនាញបានលើកឡើងថា ជាលទ្ធផល សមត្ថកិច្ច ចម្រុះដឹកនាំ ដោយមន្ត្រីគយចល័ត តំបន់១ បានចុះត្រួតពិនិត្យឆែកឆេរទីតាំងឃ្លាំងលេខ ១៦៦៩ បានរកឃេីញទំនិញគ្មានបង់ពន្ធ ចំនួន៧មុខ ភាគច្រេីន ជាប្រហិតនាំមកពីប្រទេសថៃ និង ផ្លែឈេីនាំមកពី ចិន សរុបទម្ងន់៧៦តោនជាង។

បច្ចុប្បន្ន ទំនិញទាំង៧មុខខាងលើ មន្ត្រីជំនាញ ក.ប.ប . នឹងយកទៅ មន្ទីរពិសោធិន៍ជាមុខសិន៕

អត្ថបទ ៖ រដ្ឋា