កីឡា

រិន សារ័ត្ន និង ស៊ឹម ប៊ុនស្រ៊ន់ ថ្លឹងទម្ងន់រួចរាល់ហើយត្រៀមការប្រកួតនៅវៀតណាមស្អែកនេះ

បានផុស

៩ ខែ មុន

នៅ

ថ្ងៃសុក្រ ១០ តុលា ២០២៥

ដោយ

ក្រុមកីឡាករគុនខ្មែរ រិន សារ័ត្ន និង ស៊ឹម ប៊ុនស្រ៊ន់ ថាខ្លួនបានធ្វើទម្ងន់ និងថ្លឹងរួចរាល់ហើយនៅមុននេះត្រៀមតែការប្រកួតមកដល់នៅថ្ងៃស្អែកនេះប៉ុណ្ណោះក្នុងកម្មវិធី GMA ឯទីក្រុមហូជីមិញ ប្រទេសវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៊ុនស្រ៊ន់ និងដៃគូ

រិន សារ័ត្ន និង ស៊ឹម ប៊ុនស្រ៊ន់ បានឲ្យដឹងពីប្រទេសវៀតណាមមកថា ឥឡូវនេះគឺការធ្វើទម្ងន់ និងថ្លឹងបានបញ្ចប់រួចរាល់ហើយ។ សម្រាប់ រិន សារ័ត្ន ថ្លឹងរួចរាល់តាំងពីព្រឹកមកម្ល៉េះ ដោយឡែកចំពោះ ប៊ុនស្រ៊ន់ នៅលើសប្រហែល ៤ក្រាមទើបតែធ្វើគ្រប់ និងថ្លឹងជាថ្មីរួចរាល់នៅមុននេះប៉ុណ្ណោះ។

កម្មវិធីប្រកួតស្អែកនេះ

ម្នាក់ៗថាត្រៀមខ្លួនរួចរាល់ហើយសម្រាប់ការប្រកួតនៅថ្ងៃស្អែកនេះ ដូច្នេះប្រជាពលរដ្ឋកម្ពុជាកុំភ្លេចទស្សនាការប្រកួត និងលើកទឹកចិត្តគាំទ្រខ្លួនផង។ ពួកគេនឹងខំប្រឹងប្រកួតឲ្យអស់ពីសមត្ថភាពនៅថ្ងៃស្អែកនេះ។

បញ្ជាក់ដែរថា កីឡាករ រិន សារ័ត្ន និង ស៊ឹម ប៊ុនស្រ៊ន់ នឹងត្រូវប្រកួតគុនចម្រុះ (MMA) ក្នុងកម្មវិធី GMA នៅឯទីក្រុមហូជីមិញ ប្រទេសវៀតណាម។ រិន សារ័ត្ន ត្រូវប៉ះកីឡាករ មីយ៉ាន់ម៉ា Soe Moe Zaw ក្នុងទម្ងន់ ៦៣គីឡូក្រាម ចំណែក ស៊ឹម ប៊ុនស្រ៊ន់ ត្រូវប៉ះជាមូយម្ចាស់ផ្ទះវៀតណាម Nguyen Hoang Thach ក្នុងទម្ងន់៥៥គីឡូក្រាម។ ការប្រកួតនេះនឹងធ្វើឡើងនៅថ្ងៃទី១១ ខែតុលា ឆ្នាំ២០២៥ វេលាម៉ោង ៧យប់តទៅ៕