កីឡា

លោក Byungsoo Na ទទួលស្គាល់ក្រុមរបស់ខ្លួននៅមានកម្រិតត្រូវស្វែងរកបទពិសោធច្រើនទៀត

បានផុស

៨ ខែ មុន

នៅ

ថ្ងៃព្រហស្បតិ៍ ៣០ តុលា ២០២៥

ដោយ

គ្រូបង្វឹកក្លឹបបាល់ទាត់មកពីប្រទេសឡាវ Ezra FC ទទួលស្គាល់ថាក្រុមរបស់លោកលេងនៅមានកម្រិតក្នុងការប្រកួតវគ្គសន្សំពិន្ទុ នៃពានរង្វាន់ AFC Challenge League នេះ ដូច្នេះត្រូវការពេលវេលា និងបទពិសោធច្រើនទៀតទើបអាចប្រកួតប្រជែងជាមួយគេបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Ezra FC ប្រកួតយប់មិញ

លោក Byungsoo Na គ្រូបង្វឹករបស់ Ezra FC បានឲ្យដឹងថា លទ្ធផលចាញ់ជាបន្តបន្ទាប់ពិសេសក្នុងការប្រកួតជាមួយព្រះខ័នរាជ្យស្វាយរៀងយប់មិញនេះគឺជាលទ្ធផលមួយដែលមិនអាចប្រកែកបាន។ ក្រុមរបស់លោកមានភាពក្មេងខ្ចីណាស់សម្រាប់ការបានមកប្រកួតប្រជែងក្នុងពានរង្វាន់ AFC Challenge League មួយនេះ។ ការប្រកួតយប់មិញគឺក្រុមម្ចាស់ផ្ទះធ្វើបានល្អជាង និងរៀបចំក្រុមបានប្រសើរជាក្រុមរបស់លោក។

លោក Byungsoo Na

គ្រូបង្វឹកខាងលើបន្តថា ក្រុមទាំងមូលត្រូវការពេលវេលា និងស្វែងរកបទពិសោធឲ្យបានច្រើនទៀតដើម្បីអភិវឌ្ឍន៍សមត្ថភាពឲ្យបានល្អប្រសើរ ឬឈានដល់ការប្រកួតប្រជែងក្នុងពានរង្វាន់មួយនេះនៅថ្ងៃខាងមុខបាន។ វិស័យបាល់ទាត់របស់ឡាវត្រូវកែប្រែ និងពង្រឹងសមត្ថភាពជាច្រើនចំណុចទៀតទើបប្រកួតប្រជែងជាមួយប្រទេសក្នុងតំបន់បាន។

Ezra FC ប្រកួតយប់មិញ

បញ្ជាក់ដែរថា ក្លឹបបាល់ទាត់ Ezra FC របស់ប្រទេសឡាវ ក្នុងវគ្គសន្សំពិន្ទុពូល D ដែលកំពុងធ្វើនៅកម្ពុជានេះ ២ប្រកួតចាញ់ទាំង ២ប្រកួត។ ប្រកួតលើកទី១ ចាញ់ Manila Digger FC 3-1 និងប្រកួតទី២ យប់មិញចាញ់ ព្រះខ័នរាជស្វាយរៀង 3-0 ដូច្នេះក្រុមមួយនេះធ្លាក់ចេញពីការប្រកួតហើយបើទោះជានៅសល់ ១ប្រកួតចុងក្រោយត្រូវប៉ះ SP Falcons នៅថ្ងៃទី១ ខែវិច្ឆិកា ខាងមុខក៏ដោយ៕

អត្ថបទដោយ៖ នួន ស៊ីណា