កីឡា
កីឡាករ ហ្វាស៊ី ហ្វីឌុស មិននឹកស្មានថាខ្លួនអាចទាត់បាល់ Free Kick ចូលរហូត ២គ្រាប់ដូចនេះទេ
កីឡាករកំពុងល្បឺឈ្មោះខ្លាំងលើបណ្ដាញសង្គម ហ្វាស៊ី ហ្វីឌុស ដែលទើបជួយឲ្យខេត្តកំពង់ចាម បានឈ្នះពានរង្វាន់សម្តេច ថ្នាក់ខេត្ត ថាខ្លួនក៏មិននឹកស្មានដែរថាអាចទាត់ Free Kick ចូលរហូតដល់ទៅ ២គ្រាប់បែបនេះដែរ។
កីឡាករ ហ្វាស៊ី ហ្វីឌុស
កីឡាករ ហ្វាស៊ី ហ្វីឌុស បានឲ្យដឹងថា រូបគេពិតជាសប្បាយចិត្តជាខ្លាំងដែលអាចជួយឲ្យខេត្តកំពង់ចាមបានឈ្នះនៅវគ្គផ្ដាច់ព្រ័ត្រពានសម្ដេចថ្នាក់ខេត្តកាលពីយប់មិញនេះ។ យប់មិញនេះក្រុមរបស់ខ្លួនគឺព្យាយាមលេងការពារ និងវាយបកវិញ ព្រោះក្រុមសៀមរាបលេងបាល់លឿន និងមានការប្រជែងយកបាល់បានល្អ។
ទិដ្ឋភាពយប់មិញ
ងាកទៅនិយាយពីការរកគ្រាប់បាល់បាន ឬការទាត់ Free Kick ខ្លួនឯងក៏មិននឹកស្មានថាធ្វើបានល្អខ្លាំងរហូតស៊ុតបាន ២គ្រាប់ដូចនេះដែរ។ ប៉ុន្តែខ្លួនបានហ្វឹកហាត់ច្រើនលើការទាត់បាល់ Free Kick បែបនេះនាពេលកន្លងមក។ ការទាត់ Free Kick នេះជាគ្រាប់ទី៤ ហើយដែលខ្លួនធ្វើបានកន្លងមក។ បន្ថែមពីនេះការទាត់ពីចម្ងាយគឺអ្វីដែលខ្លួនចូលចិត្ត និងធ្លាប់ធ្វើកន្លងមកក្នុងការប្រកួតផ្សេងៗ។
ទិដ្ឋភាពយប់មិញ
បញ្ជាក់ដែរថា យប់ថ្ងៃទី២១ ខែធ្នូ ឆ្នាំ២០២៥ ម្សិលមិញនេះគឺក្រុមបាល់ទាត់ខេត្តកំពង់ចាម បានឈ្នះជើងឯកពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៩ ថ្នាក់ខេត្ត លើក្រុមសៀមរាប ដោយលទ្ធផល ២-១។ ២គ្រាប់របស់ខេត្តកំពង់ចាមគឺរកបានដោយកីឡាករ កីឡាករ ហ្វាស៊ី ហ្វីឌុស ទាត់បាល់ពិន័យ (Free Kick) ទាំង២គ្រាប់៕
ទិដ្ឋភាពយប់មិញ
អត្ថបទដោយ៖ នួន ស៊ីណា
-
កីឡា២ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៤ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ៧ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៣ ម៉ោង agoសេតវិមានអះអាងថា អ៊ីរ៉ង់នៅតែចង់ធ្វើកិច្ចព្រមព្រៀងជាមួយអាមេរិក ទោះកំពុងវាយគ្នាក៏ដោយ
-
ព័ត៌មានជាតិ២១ ម៉ោង agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
ព័ត៌មានជាតិ៣ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
កីឡា១ ថ្ងៃ agoអាហ្សង់ទីន បញ្ចប់ក្តីស្រមៃ ៦០ ឆ្នាំ របស់ អង់គ្លេស ឡើងទៅវគ្គផ្តាច់ព្រ័ត្រជើងឯកពិភពលោក World Cup 2026
-
កីឡា៣ ម៉ោង agoយុវតី បឿន ស្រីឡែន ចាប់អាជីពប្រដាល់ព្រោះចង់រកចំណូលជួយដល់គ្រួសារ និងសាងកេរ្តិ៍ឈ្មោះលើវិថីកីឡាមួយនេះ