កីឡា

ជើងខ្លាំងខាងទាត់ Free Kick កីឡាករ ហ្វវស៊ី ហ្វីឌុស និយាយយ៉ាងណាប្រសិនបើមានក្លឹបនៅលីគកំពូលចាប់អារម្មណ៍

បានផុស

៧ ខែ មុន

នៅ

ថ្ងៃអង្គារ ២៣ ធ្នូ ២០២៥

ដោយ

២គ្រាប់របស់កីឡាករ ហ្វវស៊ី ហ្វីឌុស ដែលនាំឲ្យក្រុមបាល់ទាត់កំពង់ចាមឈ្នះពានរង្វាន់សម្ដេចថ្នាក់ខេត្ត កាលពីយប់ថ្ងៃទី២១ ខែធ្នូ ឆ្នាំ២០២៥ បានធ្វើឲ្យរូបគេមានការចាប់អារម្មណ៍ និងល្បីខ្លាំងលើបណ្ដាញសង្គមដោយមានការចែករំលែកច្រើនក្នុងស្រទាប់បាល់ទាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ហ្វវស៊ី ហ្វីឌុស

ពាក់ព័ន្ធ និងការចាប់អារម្មណ៍ពីមហាជននេះដែរកីឡាករ ហ្វវស៊ី ហ្វីឌុស ពិតជាអរគុណចំពោះការស្រឡាញ់ចូលចិត្តពីមហាជន និងអ្នកគាំទ្រមកលើរូបខ្លួន។ ងាកមកនិយាយពីក្លឹបនៅលីគកំពូលកម្ពុជាវិញ ហ្វីឌុស ថារីករាយ និងស្វាគមន៍ជានិច្ចប្រសិនបើមានការចាប់អារម្ម៍ ឬចង់ឲ្យខ្លួនទៅចូលរួមជាមួយមែន។

ហ្វីឌុស ពេលទាត់បាល់ Free Kick

កីឡាករដែលមានកម្លាំងជើងខ្លាំងខាងលើបន្តទៀតថា ចំពោះក្លឹបនៅក្នុងលីគកំពូលកម្ពុជាគឺរូបគេចូលចិត្ត និងតាមដានមើលក្លឹបបាល់ទាត់បឹងកេត ក្នុងការប្រកួតនាពេលកន្លងមក។ និយាយពីកីឡាករដែលខ្លួនចូលចិត្ត ឬហៅថា Idol នោះគឺកីឡាករ ម៉ាត់ នូរុណ ។

កីឡាករ ហ្វាស៊ី ហ្វីឌុស

បញ្ជាក់ដែរថា ក្នុងជំនួបវគ្គផ្ដាច់ព្រ័ត្រការប្រកួតពានរង្វាន់ សម្តេចអគ្គមហាសេនាបតីតេជោ ហ៊ុន សែន លើកទី១៩ ថ្នាក់ខេត្តរដូវកាល ២០២៥-២៦ នេះកីឡាករ ហ្វវស៊ី ហ្វីឌុស បានទាត់បាល់ Free Kick បញ្ចូលទីខាង ក្រុមឡាយអ៊ិនឃីង ខេត្តសៀមរាប ចំនួន ២គ្រាប់ធ្វើឲ្យក្រុមរបស់ខ្លួនលើកពានផងដែរ។ លទ្ធផលនៅវគ្គផ្ដាច់ព្រ័ត្រនេះគឺ ក្រុមខេត្តកំពង់ចាម យកឈ្នះលើ ក្រុមឡាយអ៊ិនឃីង ខេត្តសៀមរាប ២-១៕