កីឡា

លោក ពេជ្រ សុផាន់៖ មហាជនចង់ឲ្យ ធន់ ម៉េងហុង ចង់ប៉ះ ពេជ្រ សម្បត្តិ ប៉ះបានតើកំពុងខ្វះថវិកាធ្វើក្លឹបបន្តផង

បានផុស

៥ ខែ មុន

នៅ

ថ្ងៃព្រហស្បតិ៍ ១២ កុម្ភៈ ២០២៦

ដោយ

លោក ពេជ្រ សុផាន់ ដែលជាគ្រូរបស់ ពេជ្រ សម្បត្តិ បានប្រកាសបើកភ្លើងខៀវទទួលស្វាគមន៍ចំពោះអ្នកលេងគុនខ្មែរ ធន់ ម៉េងហុង ដែលមហាជនចង់ឲ្យប៉ះកូនសិស្សរបស់ខ្លួន ខណៈឥលូវនេះកំពុងខ្វះថវិកាសាងសង់ក្លឹបបន្តផងជជែកតែប្រាក់រង្វាន់ទៅបានហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពលើផេកហ្វេសបុកគ្រូឆ្នើម

ថ្លែងក្នុងវីដេអូលោក ពេជ្រ សុផាន់ បានបញ្ជាក់ថា បើនិយាយពីកម្រិតសមត្ថភាព បទពិសោធឆ្លងកាត់ការប្រកួតធំៗ និងសមិទ្ធផលដែលឈ្នះកន្លងមកគឺ ពេជ្រ សម្បត្តិ ជាជើងចាស់ម្នាក់ហើយបើប្រៀបធៀបជាមួយកីឡាករ ធន់ ម៉េងហុង នាពេលឥលូវនេះ។

គ្រូឆ្នើមរូបនេះបន្ថែមទៀតថា អ្នកតាមដានប្រដាល់មួយចំនួនកុំចេះតែរុញ ព្រោះដូចការលើកឡើងពីខាងលើអីចឹងខុសគ្នាច្រើនចំណុច ស្របពេល ធន់ ម៉េងហុង ទើបនិងឡើងប៉ុណ្ណោះ។ សមិទ្ធផលបើប្រៀបធៀបគឺខុសគ្នាឆ្ងាយ ប៉ុន្តែប្រសិនបើរូបគេចង់ភ្លោះថ្នាក់លោកស្វាគមន៍ជានិច្ច ព្រោះឥលូវនេះកំពុងខ្វះថវិកាសាងសង់ក្លឹបបន្តផង។ គម្រោងនៃការជួបនេះគឺលោកបើកភ្លើងខៀវហើយគ្រាន់តែជជែករឿងថវិកាលើកទឹកចិត្តនៃការប្រកួតឲ្យត្រូវគ្នាប៉ុណ្ណោះបានហើយ។

លោក ពេជ្រ សុផាន់ និង សម្បត្តិ

បញ្ជាក់ដែរថា ពេជ្រ សម្បត្តិ ជាជើងខ្លាំងប្រចាំប្រទេសទៅហើយមិនថាហ្គង់ធំ ហ្គង់ចេញម្រាម និងការប្រកួតបែបណានោះទេ។ ខ្សែក្រវាត់ ពានរង្វាន់ អមដោយប្រាក់រង្វាន់ជាច្រើនដែលកូនសិស្សលោក ពេជ្រ សុផាន់ ដណ្ដើមបាន។ រយៈពេលប៉ុន្មានថ្ងៃមកនេះបន្ទាប់ពីជើងខ្លាំងវ័យទើបឡើងកូដ ធន់ ម៉េងហុង បានផ្ដួលកីឡាករអេស្បាញ់ សាន់ត្រូ ឲ្យសន្លប់នៅទឹកទី១ ស្របពេលអ្នកគាំទ្រមើលឃើញថា រាងកាយធន់ និងល្អដៃផងនោះ ដូច្នេះទើបចេះតែផ្គូផ្គង់ចង់ឲ្យប៉ះ ពេជ្រ សម្បត្តិ តែម្ដងទៅ៕

អត្ថបទដោយ៖ នួន ស៊ីណា