កីឡា

ស្រីស្អាតអតីតម្ចាស់ក្លឹបបាល់ទាត់នៅឡាវចាំតែផ្ដល់ប្រាក់រាប់ពាន់ដុល្លារដល់ U23 ឡាវ បើឈ្នះថៃ

បានផុស

២ years មុន

នៅ

ថ្ងៃពុធ ២៣ កុម្ភៈ ២០២២

ដោយ

អតីតប្រធានក្លឹបបាល់ទាត់ Vientiane Football United នាង Phijika Boonkwang សន្យាផ្តល់ប្រាក់រង្វាន់ចំនួន ៤០ លានគីប (៣,៥០០ ដុល្លារ) ដល់ក្រុមបាល់ទាត់ជម្រើសជាតិឡាវ ប្រសិនបើពួកគេយកឈ្នះក្រុមបាល់ទាត់ជម្រើសជាតិថៃក្នុងពានរង្វាន់ AFF U23 Championship ដែលព្រះរាជាណាចក្រកម្ពុជាធ្វើជាម្ចាស់ផ្ទះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាង Phijika ឬគេស្គាល់ឈ្មោះមួយទៀតថា Boa បានបង្ហោះពាក្យសន្យានេះលើទំព័រហ្វេសប៊ុករបស់នាងកាលពីថ្ងៃអង្គារ ដោយបានសរសេរថា “ខ្ញុំនឹងផ្តល់ប្រាក់ ៤០ លានគីប (លុយឡាវ) ទៅឲ្យក្រុមបាល់ទាត់ជម្រើសជាតិឡាវអាយុក្រោម ២៣ ឆ្នាំ ប្រសិនបើពួកគេអាចយកឈ្នះថៃ” ។

នាងបញ្ជាក់ថា ចំណែកអ្នកជំនួញដ៏ល្បីម្នាក់ទៀតក៏នឹងផ្តល់ប្រាក់បន្ថែម ១០ លានគីប (៨៧៥ ដុល្លារ) ផងដែរ ដោយនាំឲ្យរង្វាន់សរុបសម្រាប់ក្រុម U23 ឡាវ ឡើងរហូតដល់ ៥០ លានគីប (៤,៣៧៥ ដុល្លារ) ប្រសិនបើអាចទទួលបានជ័យជម្នះលើក្រុមថៃបាន ។

គួរបញ្ជាក់ថា U23 ឡាវបានឡើងទៅវគ្គពាក់កណ្តាលផ្តាច់ព្រ័ត្រក្នុងពានរង្វាន់ AFF U23 Championship បន្ទាប់ពីបំបាក់ម៉ាឡេស៊ីទាំង ២ លើកក្នុងពូល B ហើយនឹងត្រូវប៉ះថៃនៅថ្ងៃទី ២៤ ខែកុម្ភៈ វេលាម៉ោង ៤ រសៀលនៅពហុកីឡដ្ឋានជាតិមរតកតេជោ នៃព្រះរាជាណាចក្រកម្ពុជា ៕

ប្រែសម្រួលដោយ ៖ ជីវ័ន្ត

ប្រភព ៖ Laotians Times

ចុចអាន ៖ U23 ថៃ ចាញ់ U23 វៀតណាម ០-១ ធ្វើឲ្យ U23 កម្ពុជាអស់ឱកាស