កីឡា
លឹម ពិសុទ្ធ បង្ហើបពីរបួសកើតឡើងយូរឆ្នាំ តែទើបឈឺធ្ងន់ ហើយឈានទៅដល់ការវះកាត់
ខ្សែបម្រើប្រយុទ្ធរបស់ក្លិបភ្នំពេញក្រោន កីឡាករ លឹម ពិសុទ្ធ ថ្មីៗនេះ ទើបតែបង្ហើបឲ្យដឹងថា របួសបែកទ្រនាប់ជង្គង់ គឺជារបួសចាស់ ដែលបានកើតឡើងតាំងពីឆ្នាំ ២០១៩ មុននឹងរើខ្លាំងកាលពីដើមឆ្នាំ ២០២២។ នេះបើតាមការបញ្ជាក់ដោយ ពិសុទ្ធ ផ្ទាល់នៅក្នុងកិច្ចសម្ភាសន៍ជាមួយក្លិប។
លឹម ពិសុទ្ធ បានរងរបួសបែកទ្រនាប់ជង្គង់ជើងខាងឆ្វេង កាលពីខែកុម្ភៈ ឆ្នាំ ២០២២នេះ និងក្រោយពីក្រុមគ្រូពេទ្យពិនិត្យ និងតាមដានយ៉ាងយកចិត្តទុកដាក់ រូបគេត្រូវបានគ្រូពេទ្យសម្រេចឲ្យធ្វើការវះកាត់ និងត្រូវអវត្តមាន ២ទៅ ៣ខែ។
លឹម ពិសុទ្ធ បាននិយាយយ៉ាងដូច្នេះថា «សម្រាប់របួសខ្ញុំគឺតាំងពី ២០១៩ ដើមឆ្នាំ ២០១៩ តាំងពីខ្ញុំលេងពាននៅ U-18 (ភ្នំពេញក្រោន) កាលនោះខ្ញុំលេងនៅពាន KMH ខ្ញុំបានរបួស ដោយសារខ្ញុំរត់ទៅក្រឡាចជង្គង់ តែកាលហ្នឹងនៅកម្រិតតូច ខ្ញុំឈឺទៅខ្ញុំចាប់ផ្ដើមលេងទៀត លេងទៅរហូតដល់ប្រមូលផ្ដុំជម្រើសជាតិ បានខ្ញុំចាប់របួសខ្លាំង»។
កីឡាករវ័យ ២០ឆ្នាំរូបនេះ ត្រូវបានលោក Kiesuke Honda ជម្រុះចេញពីការប្រមូលផ្តុំហ្វឹកហាត់ក្នុងក្រុម U23 កម្ពុជា មុនការប្រកាសជម្រើស ២៨នាក់ចុងក្រោយ សម្រាប់ការត្រៀមប្រកួតជើងឯកយុវជនអាស៊ាន AFF U23 Championship 2022 កាលពីខែកុម្ភៈ កន្លងទៅថ្មីៗនៅរាជធានីភ្នំពេញ ដោយសារពិនិត្យឃើញថាមានបញ្ហារបួស និងដើម្បីរក្សាអាជីពបាល់ទាត់របស់គេ ព្រោះបើពុំដូច្នោះទេគេនឹងអាចរបួសរ៊ាំរ៉ៃ។
«ពេលហ្នឹងពួកខ្ញុំបានធ្វើតេស្តចែកគ្នាលេង ដល់ពេលអ៊ីចឹងទៅខ្ញុំបានប៉ះជាមួយកីឡាករគេស្លាយទៅ ក៏កាច់ចំកន្លែងហ្នឹង ក៏បានរបួស វាចំកន្លែងហ្នឹងវាឈឺធ្ងន់ ចឹងទៅបានដឹងថាចំរបួសចាស់»។ ពិសុទ្ធ បានបញ្ជាក់ពីរបួសនៅពេល ហ្វឹកហាត់ជាមួយក្រុម U-23 កម្ពុជា។
ពេលត្រូវបាន លោក Honda ដករូបគេចេញពីបញ្ជី យុវជនដដែលរូបនេះបានសង្គត់ធ្ងន់ថា គេពុំបានអាកអន់ចិត្តអ្វីឡើយ ព្រោះបានយល់ច្បាស់ថាដោយសារលោក Honda ចង់ឲ្យខ្លួនអាចនៅរក្សាអាជីពបាល់ទាត់បាន។
យ៉ាងណាមិញមកទល់ពេលនេះ របួសរបស់ លឹម ពិសុទ្ធ បានជាសះស្បើយ ១០០ភាគរយហើយ និងបានចូលរួមជាមួយក្រុម U-23 កម្ពុជា ត្រៀមចេញទៅប្រកួតស៊ីហ្គេម នៅវៀតណាមដើមខែនេះផងដែរ។ ជាការចាប់អារម្មណ៍គេធ្វើបានយ៉ាងល្អក្រោយត្រលប់ជាពីរបួស ដោយចូលលេងទល់នឹង ក្លិបបឹងកេត ហើយអាចរកគ្រាប់បាល់បាន ១គ្រាប់ថែមទៀតផង៕
អត្ថបទ៖ មន្នីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង