កីឡា
គ្រូព្រះខ័នរាជស្វាយរៀង ប្រាប់ពីចំណុចល្អនៃការប្រកួតមិត្តភាព នៅម៉ាឡេស៊ី
ក្លិបបាល់ទាត់ ព្រះខ័នរាជស្វាយរៀងរបស់កម្ពុជា នឹងត្រូវធ្វើដំណើរទៅកាន់ប្រទេសម៉ាឡេស៊ី នាថ្ងៃទី០៩ ខែមិថុនា ឆ្នាំ ២០២២ ស្អែកនេះ ដើម្បីធ្វើការប្រកួតមិត្តភាពអន្តរជាតិជាមួយនឹងក្លិបនានានៃលីគកំពូលម៉ាឡេស៊ី។
លោក Conor Nestor គ្រូបង្វឹកនៃក្លិបមានមូលដ្ឋាននៅខេត្តស្វាយរៀង មួយនេះបានឱ្យដឹងថាការចេញទៅប្រកួតនៅម៉ាឡេស៊ី នេះគឺដើម្បីរក្សាភាពរឹងមាំក្នុងការប្រកួត អំឡុងលីគសម្រាក។
បុរសសញ្ជាតិអៀរឡង់ខាងជើងរូបនេះ បានឱ្យ ‘កម្ពុជាថ្មី’ ដឹងថា៖ «ពួកយើងសប្បាយចិត្តណាស់ដែលមានឱកាសផ្លាស់ប្តូរបរិយាកាស និងមានការប្រកួតមួយចំនួនផងដែរ។» «យើងទៅដើម្បីរក្សាភាពរឹងមាំសម្រាប់ការប្រកួតលីគនាពេលខាងមុខ និងដើម្បីអនុញ្ញាតឱ្យក្រុមមានទំនាក់ទំនងគ្នាបន្ថែមទៀត។» លោក Conor Nestor បានបន្ថែម។
តាមគម្រោងក្លិបព្រះខ័នរាជស្វាយរៀង នឹងមានការប្រកួតមិត្តភាពអន្តរជាតិ ជាមួយក្លិបនៅលីគកំពូល និងលីគទី ២ ម៉ាឡេស៊ី ចាប់ពីថ្ងៃទី ០៩ ដល់ថ្ងៃទី ១៥ ខែមិថុនា ឆ្នាំ ២០២២ ក្នុងនោះជួបក្រុមដូចជា Petaling Jaya City FC (លីគកំពូល) និងក្រុម UiTM FC (លីគទី ២)។
គួររំឮកដែរថា នៅក្នុងខេមបូឌានព្រីមៀរលីគវិញ ព្រះខ័នរាជស្វាយរៀង កំពុងធ្វើបានល្អជាងគេ ដែលនេះជាការតម្រូវឱ្យមានការប្រកួតប្រជែង ដើម្បីរក្សាទម្រង់ ដ្បិតលីគមានការសម្រាករយៈពេលដល់ទៅជាង ១ ខែ។ ត្រឹមជុំទី ១ នៃលីគព្រះខ័នរាជស្វាយរៀង ឈរនៅកំពូលតារាង ដោយប្រកួត ៧ ដង ឈ្នះ ៦ ដង ស្មើម្ដង និងមិនដែលចាញ់ មាន ១៩ ពិន្ទុ ដាច់ក្រុមលេខ ២ បឹងកេត ដល់ទៅ ៦ ពិន្ទុ៕
អត្ថបទ៖ មន្នីរ័ត្ន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»