កីឡា

បង់ក្លាដែស ប្រកាសឈ្មោះកីឡាករជម្រើសជាតិ ត្រៀមជួបកម្ពុជាខែក្រោយ

បានផុស

២ years មុន

នៅ

ថ្ងៃសុក្រ ២៦ សីហា ២០២២

ដោយ

ក្រុមជម្រើសជាតិបង់ក្លាដែស បានកោះកីឡាករចូលជំរំហ្វឹកហាត់ហើយ ដើម្បីត្រៀមប្រកួតមិត្តភាពអន្តរជាតិ ជាមួយក្រុមជម្រើសជាតិកម្ពុជា នៅខែក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហព័ន្ធរបស់ប្រទេសនៅតំបន់អាស៊ីខាងត្បូង បានប្រកាសឈ្មោះកីឡាករ ២៧ នាក់ ដើម្បីចាប់ផ្ដើមប្រមូលផ្ដុំហ្វឹកហាត់ពីថ្ងៃទី ២៦ ខែសីហា នេះតទៅ ដោយកីឡាករទាំងអស់សុទ្ធតែជាសមាជិកនៃលីគបាល់ទាត់ក្នុងស្រុក។

គឺឃើញមានកីឡាករ ១២ នាក់ មកពីក្លិបជើងឯកលីគកំពូលបង់ក្លាដែស (Bangladesh Premier League) រដូវកាល ២០២១-២០២២ ដែលទើបតែបញ្ចប់កាលពីដើមខែសីហា ថ្មីៗនេះ។ ក្រៅពីនេះមានមកពីក្រុមរងជើងឯក ចំនួន ៣ នាក់, ក្រុមចំណាត់ថ្នាក់លេខ ៣ ចំនួន ៤ នាក់, មកពីក្រុមលេខ ៤ ចំនួន ២ នាក់, លេខ ៥ មានចំនួន ១ នាក់, មកពីក្រុមលេខ ៦ ចំនួន ៣ នាក់ និងក្រៅពីនេះម្នាក់ៗមកពីក្រុមចំណាត់ថ្នាក់លេខ ៧ និងលេខ ៨។

កីឡាករកំពុងឡើងជើង Mohammad Ibrahim ដែលប្រកួតចុងក្រោយតែងតែរកគ្រាប់បាល់ឱ្យបង់ក្លាដែស ក៏មានឈ្មោះក្នុងក្រុមផងដែរ។ បញ្ជីឈ្មោះនេះជាបញ្ជីឈ្មោះបឋម ក្រោយមកក្រុមនេះនឹងធ្វើការជម្រុះកីឡាករមួយចំនួន។

សូមបញ្ជាក់ថា កម្ពុជា នឹងត្រូវទទួលក្រុមភ្ញៀវ បង់ក្លាដែស នៅថ្ងៃទី ២២ ខែកញ្ញា ឆ្នាំ ២០២២ ក្នុងជំនួបមិត្តភាពអន្តរជាតិ (FIFA Day) នាពហុកីឡដ្ឋានជាតិមរតកតេជោ៕

អត្ថបទ៖ មន្នីរ័ត្ន