កីឡា
ផ្លូវការ! ជម្រើសជាតិរុស្ស៊ី ត្រូវបានហាមមិនឲ្យប្រកួត EURO 2024 ឡើយ
សហព័ន្ធកីឡាបាល់ទាត់ទ្វីបអ៊ឺរ៉ុប (UEFA) បានបញ្ជាក់ថា រុស្សីត្រូវបានហាមមិនឱ្យចូលលេងក្នុងវគ្គជម្រុះ Euro 2024 ឡើយ បន្ទាប់ពីការលុកលុយលើអ៊ុយក្រែន ចាប់តាំងពីជម្លោះបានចាប់ផ្តើមនៅក្នុងខែកុម្ភៈ។
ការចាប់ឆ្នោតវគ្គជម្រុះសម្រាប់ Euro 2024 ដែលអាល្លឺម៉ង់នឹងធ្វើជាម្ចាស់ផ្ទះ នឹងប្រព្រឹត្តទៅនៅទីក្រុង Frankfurt នៅថ្ងៃទី ០៩ ខែតុលា ខាងមុខ។ គ្រាដែលប្រទេសរុស្ស៊ីបានប្តឹងឧទ្ធរណ៍ប្រឆាំងនឹងបម្រាមនេះទៅកាន់តុលាការអាជ្ញាកណ្តាលសម្រាប់កីឡា (CAS) ប៉ុន្តែការប្ដឹងទាំងនោះត្រូវបានច្រានចោលនៅក្នុងខែកក្កដា។
ការសម្រេចចិត្តដំបូងក្នុងការហាមឃាត់ក្រុមរុស្ស៊ី ត្រូវបានធ្វើឡើងដោយគណៈកម្មាធិការប្រតិបត្តិរបស់ UEFA នៅថ្ងៃទី ២៨ ខែកុម្ភៈ ឆ្នាំ ២០២២ ហើយបន្ទាប់មកត្រូវបានតម្កល់ដោយតុលាការអាជ្ញាកណ្តាលសម្រាប់កីឡា នៅថ្ងៃទី ១៥ ខែកក្កដា។
នៅក្នុងសេចក្តីថ្លែងការណ៍មួយ UEFA បានបន្ថែមថា “ដូច្នេះរុស្ស៊ីមិនត្រូវបានរាប់បញ្ចូលក្នុងការចាប់ឆ្នោតវគ្គជម្រុះ UEFA European Football Championship 2022-24″។
រុស្សីក៏ត្រូវបានហាមប្រាមពីការប្រកួត World Cup 2022 នៅប្រទេសកាតា ហើយត្រូវបានដកចេញពីការប្រកួតជម្រុះ ក្នុងខែមីនាសម្រាប់ការប្រកួតនេះ។ ក្រុមនារីត្រូវបានដកចេញពីការប្រកួតជើងឯកអឺរ៉ុបរដូវក្តៅនេះ ដោយក្រុមព័រទុយហ្គាល់ទទួលជំនួស។
ដោយឡែកក្លិបរបស់ប្រទេសនេះត្រូវបានហាមប្រាមពីការប្រកួត Champions League, Europa League និង Europa Conference League រដូវកាលនេះជាមួយ Uefa ក៏បញ្ចប់កិច្ចព្រមព្រៀងឧបត្ថម្ភពីក្រុមហ៊ុន Gazprom ដែលជាក្រុមហ៊ុនថាមពលរបស់រុស្ស៊ីផងដែរ។
ការប្រកួតវគ្គផ្តាច់ព្រ័ត្រ Champions League ឆ្នាំ ២០២២ ដើមឡើយគ្រោងនឹងលេងនៅទីក្រុង St Petersburg ប៉ុន្តែត្រូវបានផ្លាស់ទៅទីក្រុងប៉ារីស៕
ប្រភព៖ BBC
អត្ថបទ៖ មន្នីរ័ត្ន
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២១ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន