កីឡា

ពានសម្តេចតេជោ ហ៊ុន សែន ប្ដូរកាលបរិច្ឆេទវគ្គផ្ដាច់ព្រ័ត្រ ទៅប្រកួតចុងសប្ដាហ៍

បានផុស

៣ years មុន

នៅ

ថ្ងៃអង្គារ ២៧ កញ្ញា ២០២២

ដោយ

ការប្រកួតពានរង្វាន់សម្តេចអគ្គមហាសេនាបតីតេជោ ហ៊ុន សែន ថ្នាក់ជាតិ ឆ្នាំ២០២២ វគ្គផ្ដាច់ព្រ័ត្រ ដែលគ្រោងធ្វើនៅពាក់កណ្ដាលសប្ដាហ៍ នឹងផ្លាស់ទៅប្រកួតនៅចុងសប្ដាហ៍វិញ នាអំឡុងដើមខែវិច្ឆិកា។

តាមគម្រោងកាលវិភាគនៃការប្រកួតវគ្គផ្ដាច់ព្រ័ត្រ ពានរង្វាន់ដ៏មានកិត្យានុពលប្រចាំប្រទេសមួយនេះ គឺគ្រោងធ្វើនៅថ្ងៃពុធ ទី២៦ ខែតុលា ឆ្នាំ២០២២ នេះ ប៉ុន្តែដោយសារតែចំពាក់កណ្ដាលសប្ដាហ៍នៃការសិក្សា និងបំពេញកិច្ចការងាររបស់ទស្សនិកជន ហើយក្នុងន័យចង់ឱ្យមានអ្នកចូលទស្សនាច្រើនកុះករ គណៈកម្មការរៀបចំការប្រកួត សម្រេចផ្លាស់ទៅប្រកួតនៅថ្ងៃអាទិត្យ ទី០៦ ខែវិច្ឆិកា ឆ្នាំ២០២២វិញ ដែលជាថ្ងៃឈប់សម្រាក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្ននេះ ពានរង្វាន់សម្តេចតេជោ ហ៊ុន សែន ថ្នាក់ជាតិ ឆ្នាំ២០២២ បានដំណើរការដល់វគ្គពាក់កណ្ដាលផ្ដាច់ព្រ័ត្រ ឬ ៤ក្រុមចុងក្រោយហើយ ដោយមានបឹងកេត, អគ្គិសនីកម្ពុជា, វិសាខា និងភ្នំពេញក្រោន បានឆ្លងដល់វគ្គនេះ។

ដោយឡែកនៅសប្ដាហ៍ក្រោយវគ្គពាក់កណ្ដាលផ្ដាច់ព្រ័ត្រនឹងបន្តនៅថ្ងៃទី០៥ ខែតុលា បឹងកេត ត្រូវតតាំងជាមួយ អគ្គិសនីកម្ពុជា ខណៈភ្នំពេញក្រោន ត្រូវប៉ះជាមួយ វិសាខា ដែលជាការប្រកួតជើងទី១ មុននឹងត្រលប់ទៅជើងទី២ វិញនៅថ្ងៃទី១២ ខែតុលា ឆ្នាំ២០២២៕

អត្ថបទ ៖ មន្នីរ័ត្ន