Connect with us

កីឡា

គ្រូ EDC បញ្ជាក់ថាកូនក្រុមពេញជើងល្អ ដើម្បីតតាំងជាមួយបឹងកេត ក្នុងពានសម្តេចតេជោ

បានផុស

នៅ

ក្លិបអគ្គិសនីកម្ពុជា នឹងត្រូវជួប ក្លិបបឹងកេត នៅរសៀលថ្ងៃទី០៥ ខែតុលា ឆ្នាំ២០២២ នេះ ក្នុងជំនួបជើងទី១ វគ្គពាក់កណ្ដាលផ្ដាច់ព្រ័ត្រ ពានរង្វាន់សម្តេចអគ្គមហាសេនាបតីតេជោ ហ៊ុន សែន ថ្នាក់ខេត្ត ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនការប្រកួតមកដល់ លោក ទុំ សារ៉ាយ ដែលជាគ្រូបង្វឹករបស់ក្លិបអគ្គិសនីកកម្ពុជា បានលើកឡើងពីការត្រៀមខ្លួនរួចរាល់ និងកូនក្រុមពេញជើងល្អសម្រាប់ប្រកួត។

«ការប្រកួតជាមួយបឹងកេត ថ្ងៃនេះ ក្លិបអគ្គិសនីកម្ពុជា បានរៀបចំយ៉ាងល្អ ដើម្បីត្រៀមជាមួយក្រុមខ្លាំងមួយនេះ ទាំងស្មារតីក្រុម ទាំងឆន្ទះ ទាំងការសម្រាក និងការហាត់ គឺគ្រប់គ្រាន់ទាំងអស់។» 

«បន្ទាប់ពីអគ្គិសនីកម្ពុជា ប្រកួតជាមួយ ព្រៃវែង នៅលីគទី២ និងបន្ទាប់ពីការហ្វឹកហាត់ថ្ងៃបន្ទាប់នេះមក គឺកីឡាកររបស់អគ្គិសនីកម្ពុជាទាំងអស់អត់មានកីឡាករណាអវត្តមានជាមួយនឹងប្រកួតទល់នឹងបឹងកេតទេ ពោលគ្រប់ជើងទាំងអស់។» សម្ដីរបស់លោក ទុំ សារ៉ាយ ក្នុងកិច្ចសម្ភាសន៍ជាមួយ ‘កម្ពុជាថ្មី’។

បញ្ជាក់ថា អគ្គិសនីកម្ពុជា នឹងត្រូវជួប បឹងកេត ជើងទី១ នៅថ្ងៃទី០៥ ខែតុលានេះ វេលាម៉ោង ៣:៣០នាទីរសៀល នៅ កីឡដ្ឋានខេមបូឌាអ៊ែរវ៉េ ខណៈការប្រកួតមានផ្សាយផ្ទាល់តាមរយៈទូរទស្សន៍ BTV News ផងដែរ។ ដោយឡែកមួយគូទៀត គឺក្រុមខ្លាំងផងដែរ ភ្នំពេញក្រោន នឹងទទួល វិសាខា ក្នុងវគ្គដូចគ្នានៅវេលាម៉ោង ៦:៣០នាទីយប់ នាកីឡដ្ឋានស្មាត អរអេសអិន៕

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម