កីឡា
FIFA បដិសេធសំណើរបស់ដាណឺម៉ាក មិនឲ្យពាក់អាវមានសារពាក់ព័ន្ធនឹង «សិទ្ធិមនុស្ស»
សហព័ន្ធកីឡាបាល់ទាត់ដាណឺម៉ាក (DBU) បាននិយាយកាលពីថ្ងៃព្រហស្បតិ៍ថា FIFA បានច្រានចោល សំណើរបស់ដាណឺម៉ាក ក្នុងការហ្វឹកហាត់នៅ World Cup ដោយពាក់អាវមានពាក្យថា “សិទ្ធិមនុស្ស សម្រាប់ទាំងអស់គ្នា” លើអាវរបស់ពួកគេ។
DBU បាននិយាយនៅឆ្នាំ២០២១ ថា អាវហ្វឹកហាត់ទាំង២ របស់ពួកគេនឹងមានពាក្យសម្រាប់សាររិះគន់កាតា។
ប្រទេសកាតា បានស្ថិតនៅក្រោមសម្ពាធយ៉ាងខ្លាំងលើការប្រព្រឹត្តចំពោះពលករបរទេសរបស់ខ្លួន និងច្បាប់សង្គមដ៏តឹងរ៉ឹង ដែលនាំឱ្យក្រុមដែលចូលរួមជាច្រើនលើកឡើងពីការព្រួយបារម្ភ។ ប្រទេសនេះបានបដិសេធការអះអាងដែលថា កម្មករត្រូវបានកេងប្រវ័ញ្ច។
“ថ្ងៃនេះយើងបានទទួលសារពី FIFA ថា អាវហ្វឹកហាត់កីឡាកររបស់យើង ដែលត្រង់កន្លែងមានពាក្យថា “សិទ្ធិមនុស្សសម្រាប់ទាំងអស់គ្នា” នៅត្រង់ពោះ (នៃអាវ) ត្រូវបានច្រានចោលដោយសារហេតុផលបច្ចេកទេស ដែលជាការសោកស្តាយ។ នេះបើតាមនាយកប្រតិបត្តិ DBU លោក Jakob Jensen បានប្រាប់ ទីភ្នាក់ងារសារព័ត៌មាន Ritzau។
FIFA បដិសេធមិនធ្វើអត្ថាធិប្បាយ។ ច្បាប់បានចែងថា សម្ភារៈរបស់ក្រុមចូលរួមមិនត្រូវមានពាក្យស្លោក សេចក្តីថ្លែងការណ៍ ឬរូបភាពនយោបាយ សាសនា ឬផ្ទាល់ខ្លួនណាមួយឡើយ។
លោក Jensen បាននិយាយថា៖ «យើងជឿថាសារ “សិទ្ធិមនុស្សសម្រាប់ទាំងអស់គ្នា” គឺជាសកល ហើយមិនមែនជាការអំពាវនាវខាងនយោបាយនោះទេ ប៉ុន្តែជាអ្វីដែលគ្រប់គ្នាអាចគាំទ្របាន។»
FIFA បានសរសេរទៅកាន់ក្រុមក្នុង World Cup ក្នុងខែនេះ ដោយជំរុញឱ្យពួកគេផ្តោតលើបាល់ទាត់ក្នុងប្រទេសកាតា ហើយកុំបណ្តោយឱ្យកីឡាត្រូវបានអូសទាញចូលទៅក្នុងបញ្ហាមនោគមវិជ្ជា ឬនយោបាយ។
គួររំលឹកថា ក្រុមហ៊ុនផលិតសម្ភារៈកីឡា ‘Hummel’ បាននិយាយកាលពីខែកញ្ញាថា ខ្លួនបានកាត់បន្ថយព័ត៌មានលម្អិត អំពីអាវក្នុង World Cup របស់ប្រទេសដាណឺម៉ាក ហើយបានបញ្ចេញឈុតខ្មៅជាការតវ៉ាប្រឆាំងនឹងកំណត់ត្រាសិទ្ធិមនុស្សរបស់ប្រទេសកាតា នៅមុនការប្រកួត។
សម្រាប់ដាណឺម៉ាក លេងការប្រកួត World Cup លើកដំបូងរបស់ពួកគេទល់នឹងទុយនេស៊ី ក្នុងពូល D នៅថ្ងៃទី២២ ខែវិច្ឆិកា៕
ប្រភព៖ reuters.com
អត្ថបទ៖ មន្នីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ