ហូឡង់ ដឹកដៃ អាហ្សង់ទីន ឡើងទៅប៉ះគ្នាវគ្គ ៨ ក្រុមចុងក្រោយ

ក្រុមបាល់ទាត់ជម្រើសជាតិមច្ចុរាជទឹកក្រូច ហូឡង់ បានដឹកដៃ អាហ្សង់ទីន ឡើងទៅវគ្គ ៨ ក្រុមចុងក្រោយ បន្ទាប់ពីរកបានជ័យជម្នះដូចគ្នាក្នុងវគ្គ ១៦ ចុងក្រោយកាលពីយប់ថ្ងៃសៅរ៍ ។

ហូឡង់ បានយកឈ្នះលើសហរដ្ឋអាមេរិក ក្នុងលទ្ធផល ៣-១ ដែលរកគ្រាប់បាល់ដោយខ្សែប្រយុទ្ធ Memphis Depay នៅនាទី ១០, Daley Blind នៅនាទី ៤៥+១ និងគ្រាប់បាល់ទី ៣ ដោយកីឡាករ Denzel Dumfries ខណៈអាមេរិកមួយគ្រាប់របស់អាមេរិករកបានដោយកីឡាករ Haji Wright នៅនាទីទី ៧៦ ។

ចំណែកអាហ្សង់ទីនបានឡើងទៅវគ្គ ៨ ក្រុមចុងក្រោយ បន្ទាប់ពីបានយកឈ្នះលើក្រុមកង់ហ្គូរូអូស្ត្រាលី ដោយលទ្ធផលប្រផិតប្រផោយ ២-១ ។ ២ គ្រាប់របស់អាហ្សង់ទីនរកបានដោយខ្សែប្រយុទ្ធ Lionel Messi នៅនាទីទី ៣៥ និងកីឡាករ Julian Alvarez នៅនាទីទី ៥៧ ខណៈ ១ គ្រាប់បាល់របស់អូស្ត្រាលីគឺជាបាល់ផ្លាតចូលទីដោយខ្លួនឯងរបស់ខ្សែបម្រើអាហ្សង់ទីន Jeremias Fernandez នៅនាទីទី ៧៧ ។

គួរបញ្ជាក់ថា ហូឡង់ និងអាហ្សង់ទីនក៏នឹងត្រូវប៉ះផងដែរក្នុងវគ្គ ៨ ក្រុមចុងក្រោយ ខណៈការប្រកួតនឹងរៀបចំឡើងនៅថ្ងៃទី៩ ខែធ្នូ ឆ្នាំ២០២២ ខាងមុខនេះ ៕

ដោយ ៖ ជីវ័ន្ត

ចុចអាន ៖ ស៊ុតចូល ១ គ្រាប់យប់មិញ Messi វ៉ាគ្រាប់បាល់ Cristiano Ronaldo នៅ World Cup