កីឡា
២ រឿង អ្នកគួរដឹងពីជម្រើសជាតិកម្ពុជា ក្រោយចេញបញ្ជីឈ្មោះកីឡាករ ២៦ នាក់ ត្រៀមពាន AFF Cup
កាលពីម្សិលមិញ សហព័ន្ធកីឡាបាល់ទាត់កម្ពុជា បានធ្វើការកោះហៅកីឡាករចំនួន ២៦ នាក់ ចូលក្រុមជម្រើសជាតិ ដើម្បីចូលរួមហ្វឹកហាត់ត្រៀមប្រកួតពានរង្វាន់បាល់ទាត់ប្រចាំតំបន់អាស៊ីអាគ្នេយ៍ (AFF Mitsubishi Electric Cup) ឆ្នាំ ២០២២ ដែលគ្រោងធ្វើនៅខែធ្នូនេះ។
កីឡាករទាំង ២៦ នាក់ មានមកពីក្លិបចំនួន ៥ នៃលីគកំពូលកម្ពុជារួមមាន វិសាខា ១០ នាក់, ភ្នំពេញក្រោន ៥ នាក់, បឹងកេត ៤ នាក់, ព្រះខ័នរាជស្វាយរៀង ២ នាក់ និងណាហ្គាវើលដ៍ ១ នាក់។ ក្រៅពីនេះ ក៏មានកីឡាករកូនកាត់លេងនៅក្រៅប្រទេស ២ នាក់ ចូលរួមផងដែរ។
ក្រោយចេញបញ្ជីឈ្មោះនេះរួច រឿងសំខាន់ ២ ដែលក្រុមនេះធ្វើភ្លាមៗមានដូចខាងក្រោម ៖
ទី១-កីឡាករទាំង ២៦ រូប នឹងចាប់ផ្ដើមហ្វឹកហាត់ពីថ្ងៃទី ០៥ ខែធ្នូ ឆ្នាំ ២០២២ តទៅ នៅទីលានហ្វឹកហាត់របស់ក្លិបព្រះខ័នរាជស្វាយរៀង មុននឹងជម្រុះមកនៅត្រឹម ២៣ នាក់ ចុងក្រោយ ដើម្បីចេញទៅប្រកួតពានរង្វាន់បាល់ទាត់ដ៏ធំប្រចាំតំបន់អាស៊ីអាគ្នេយ៍ ពីថ្ងៃទី ២០ ខែធ្នូ ឆ្នាំ ២០២២ ដល់ថ្ងៃទី ១៦ ខែមករា ឆ្នាំ ២០២៣។
ទី២-ក្រុមនេះ នឹងចាកចេញពីកម្ពុជា ទៅកាន់ប្រទេសម៉ាឡេស៊ី នៅយប់ថ្ងៃទី ០៧ ខែធ្នូ នេះភ្លាមៗតែម្ដង ក្រោយបញ្ចប់កម្មវិធីពានរង្វាន់បាល់ទាត់កម្ពុជា ឬអង់គ្លេសគេហៅថា ‘CPL Football Award 2022’ ដើម្បីទៅធ្វើការប្រកួតមិត្តភាពអន្តរជាតិកម្ដៅសាច់ដុំជាមួយ ម៉ាឡេស៊ី នៅថ្ងៃទី ០៩ ខែដដែល។
បញ្ជាក់ថា ក្រុមបាល់ទាត់ជម្រើសជាតិកម្ពុជា ស្ថិតនៅពូល A ជាមួយថៃ, ហ្វីលីពីន, ឥណ្ឌូណេស៊ី និងព្រុយណេ៕
អត្ថបទ ៖ មន្នីរ័ត្ន
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ