កីឡា

២ រឿង អ្នកគួរដឹងពីជម្រើសជាតិកម្ពុជា ក្រោយចេញបញ្ជីឈ្មោះកីឡាករ ២៦ នាក់ ត្រៀមពាន AFF Cup

បានផុស

៤ years មុន

នៅ

ថ្ងៃចន្ទ ៥ ធ្នូ ២០២២

ដោយ

កាលពីម្សិលមិញ សហព័ន្ធកីឡាបាល់ទាត់កម្ពុជា បានធ្វើការកោះហៅកីឡាករចំនួន ២៦ នាក់ ចូលក្រុមជម្រើសជាតិ ដើម្បីចូលរួមហ្វឹកហាត់ត្រៀមប្រកួតពានរង្វាន់បាល់ទាត់ប្រចាំតំបន់អាស៊ីអាគ្នេយ៍ (AFF Mitsubishi Electric Cup) ឆ្នាំ ២០២២ ដែលគ្រោងធ្វើនៅខែធ្នូនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករទាំង ២៦ នាក់ មានមកពីក្លិបចំនួន ៥ នៃលីគកំពូលកម្ពុជារួមមាន វិសាខា ១០ នាក់, ភ្នំពេញក្រោន ៥ នាក់, បឹងកេត ៤ នាក់, ព្រះខ័នរាជស្វាយរៀង ២ នាក់ និងណាហ្គាវើលដ៍ ១ នាក់។ ក្រៅពីនេះ ក៏មានកីឡាករកូនកាត់លេងនៅក្រៅប្រទេស ២ នាក់ ចូលរួមផងដែរ។

ក្រោយចេញបញ្ជីឈ្មោះនេះរួច រឿងសំខាន់ ២ ដែលក្រុមនេះធ្វើភ្លាមៗមានដូចខាងក្រោម ៖

ទី១-កីឡាករទាំង ២៦ រូប នឹងចាប់ផ្ដើមហ្វឹកហាត់ពីថ្ងៃទី ០៥ ខែធ្នូ ឆ្នាំ ២០២២ តទៅ នៅទីលានហ្វឹកហាត់របស់ក្លិបព្រះខ័នរាជស្វាយរៀង មុននឹងជម្រុះមកនៅត្រឹម ២៣ នាក់ ចុងក្រោយ ដើម្បីចេញទៅប្រកួតពានរង្វាន់បាល់ទាត់ដ៏ធំប្រចាំតំបន់អាស៊ីអាគ្នេយ៍ ពីថ្ងៃទី ២០ ខែធ្នូ ឆ្នាំ ២០២២ ដល់ថ្ងៃទី ១៦ ខែមករា ឆ្នាំ ២០២៣។

ទី២-ក្រុមនេះ នឹងចាកចេញពីកម្ពុជា ទៅកាន់ប្រទេសម៉ាឡេស៊ី នៅយប់ថ្ងៃទី ០៧ ខែធ្នូ នេះភ្លាមៗតែម្ដង ក្រោយបញ្ចប់កម្មវិធីពានរង្វាន់បាល់ទាត់កម្ពុជា ឬអង់គ្លេសគេហៅថា ‘CPL Football Award 2022’ ដើម្បីទៅធ្វើការប្រកួតមិត្តភាពអន្តរជាតិកម្ដៅសាច់ដុំជាមួយ ម៉ាឡេស៊ី នៅថ្ងៃទី ០៩ ខែដដែល។