កីឡា
កីឡាករបាល់ទាត់អ៊ីរ៉ង់ម្នាក់ នឹងត្រូវកាត់ទោសប្រហារជីវិត បន្ទាប់ពីតវ៉ាប្រឆាំងការស្លាប់របស់ Mahsa
កីឡាករបាល់ទាត់អាជីពអ៊ីរ៉ង់ម្នាក់ នឹងត្រូវបានកាត់ទោសប្រហារជីវិត បន្ទាប់ពីការតវ៉ាប្រឆាំងនឹងការស្លាប់របស់ នាង Mahsa Amini នេះបើយោងតាមសារព័ត៌មាន Iran Wire។
Amir Nasr-Azadani អាយុ ២៦ ឆ្នាំ ត្រូវបានចាប់ខ្លួនកាលពីខែវិច្ឆិកា ពាក់ព័ន្ធនឹងការសម្លាប់វរសេនីយ៍ឯកប៉ូលិសម្នាក់ និងសមាជិកកងជីវពលស្ម័គ្រចិត្ត ២ នាក់។ គេត្រូវបានចោទប្រកាន់ពីបទ «ធ្វើសង្គ្រាមប្រឆាំងនឹងព្រះ» ហើយនឹងត្រូវព្យួរក នេះបើយោងតាម Iran Wire។
សហភាពកីឡាករបាល់ទាត់អន្តរជាតិ FIFPRO បាននិយាយនៅក្នុងសេចក្ដីថ្លែងការណ៍មួយកាលពីថ្ងៃចន្ទថា វាមាន “ការភ្ញាក់ផ្អើល និងឈឺចាប់” ចំពោះព័ត៌មាននេះ។ ហើយបាននិយាយថា “យើងឈរនៅក្នុងសាមគ្គីភាពជាមួយ Amir និងអំពាវនាវឲ្យមានការដកចេញនូវការដាក់ទណ្ឌកម្មរបស់គាត់ជាបន្ទាន់”។
មានការតវ៉ាយ៉ាងទូលំទូលាយនៅក្នុងប្រទេសអ៊ីរ៉ង់ ចាប់តាំងពីការស្លាប់របស់ Amini ក្នុងខែកញ្ញា ដែលបានស្លាប់នៅក្នុងមន្ទីរឃុំឃាំង បន្ទាប់ពីត្រូវបានឃុំខ្លួនដោយប៉ូលិសសីលធម៌ ដោយសង្ស័យថានាងបានបំពានច្បាប់ដ៏តឹងរ៉ឹងរបស់ប្រទេសជុំវិញការគ្របក្បាល។
សាក្សីបានចោទមន្ត្រីប៉ូលិសថា បានបង្ខំនាងចូលក្នុងឡាន ហើយវាយនាង។
Nasr-Azadani លេងចុងក្រោយឲ្យក្លិប Tractor នៃលីគកំពូលអ៊ីរ៉ង់ (Persian Gulf Pro League) ប៉ុន្តែមិនបានលេងចាប់តាំងពីការបង្ហាញខ្លួនចុងក្រោយរបស់គេក្នុងខែវិច្ឆិកា ឆ្នាំ ២០១៧។
យោងតាម Iran Wire គេ (Nasr-Azadani) គឺជាជនជាតិអ៊ីរ៉ង់ម្នាក់ ក្នុងចំណោម ២៨ នាក់ ដែលត្រូវកាត់ទោសប្រហារជីវិតដោយសារតែការតវ៉ារបស់ពួកគេ។ នៅថ្ងៃទី ០៨ ខែធ្នូ អ៊ីរ៉ង់ បានធ្វើការប្រហារជីវិតលើកដំបូងទាក់ទងនឹងការតវ៉ា៕
ប្រភព ៖ insider.com
អត្ថបទ ៖ មន្នីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង